मुंबई – मुंबईमध्ये अधिकृत मुद्रांक विक्रेता बनण्याची संधी, शासकीय परवाना शासकीय नोकरीप्रमाणे चांगली संधी’ या मथळ्याखाली समाजमाध्यमांवर व्हायरल होत असलेला संदेश हा चुकीचा आणि खोटा असून त्यावर विश्वास न ठेवण्याचे आवाहन प्रधान मुद्रांक कार्यालयाने केले आहे.
मुंबई शहर व उपनगरांमध्ये १५० ते २०० अधिकृत मुद्रांक विक्रेता परवाना देण्याच्या संदर्भाने खोटा संदेश व्हायरल होत आहे. प्रधान मुद्रांक कार्यालयामध्ये फक्त १२ अधिकृत मुद्रांक विक्रेते उपलब्ध असल्यामुळे शासनस्तरावर नवीन मुद्रांक विक्रीचे परवाने देण्याचा निर्णय घेण्यात येत आहे.
याबाबतचा अर्ज अपर मुद्रांक नियंत्रक यांचेकडे करावा व शासकीय कार्यालयात संपर्क साधावा अशा आशयाचा संदेश आणि अर्जाचा नमुना सोशल मीडियावर व्हायरल होत आहे. सदरचा व्हॉट्सअॅप संदेश या कार्यालयामार्फत प्रसारित करण्यात आलेला नाही. सदरचा संदेश हा अनधिकृत, खोटा असल्याचे प्रधान मुद्रांक कार्यालयाने प्रसिद्धीपत्रकान्वये कळविले आहे.