क्रिकेटच्या पंढरीत ऐतिहासिक विजय नोंदवणाऱ्या कोहलीच्या नावे ‘विराट’ विक्रमाची नोंद!

भारतीय संघाने लॉर्ड्सच्या ऐतिहासिक मैदानावर कसोटीत इंग्लंडला पराभूत करण्याची ही तिसरीच वेळ आहे. भारतीय संघाने महेंद्रसिंह धोनीच्या नेतृत्वाखाली २०१४ मध्ये लॉर्ड्सवर शेवटच्या वेळी ९५ धावांनी विजय मिळवला होता. भारताने यापूर्वी १९८६मध्ये लॉर्ड्सवर प्रथमच विजय मिळवला होता. कपिल देव यांच्या नेतृत्वाखाली लॉर्ड्सवर भारत जिंकला. आता विराट कोहलीच्या नेतृत्वाखाली भारताने लॉर्ड्सवर जिंकून इतिहासाची पुनरावृत्ती केली आहे.

या मालिकेतील दोन्ही कसोटीत कर्णधार विराट कोहली अपयशी ठरला असला, तरी लॉर्ड्सवरील विजय हा त्याच्या आत्मविश्वास भरण्याचे काम करेल. विराटला दोन्ही कसोटीत चांगली कामगिरी करता आलेली नाही. पण पुढच्या तीन कसोटीत तो सर्व भरपाई करण्याच्या हेतूने मैदानात उतरेल. पाच सामन्यांच्या मालिकेतील तिसरा सामना २५ ऑगस्टपासून लीड्समध्ये खेळला जाईल.