जपानच्या टोक्यो ऑलिम्पिक नगरीत जगभरातील खेळाडू एकत्र आले आहेत आणि त्याच्या डोक्यावर पदक जिंकण्याचे भूत सवार आहे असे म्हटले तर ते चुकीचे होणार नाही. खेळाडू आणि त्याचे चाहते या रोमांचकारी दिवसांचा आनंद घेत आहेत त्याचबरोबर ऑलिम्पिक व्हिलेज मध्ये रोमांस सुद्धा भरात आहे. या खेळ महाकुंभात अनेक विवाहित जोडपी, काही एंगेज्ड, काही डेडिंग पिरियड मध्ये असलेली जोडपी सामील झाली आहेत. त्यात नवरा बायको आहेत, मित्रमैत्रीण, मैत्रिणीमैत्रिणी अश्या जोड्या सुद्धा आहेत.
भारताबद्दल बोलायचे तर निशाणेबाज दीपिका कुमारी आणि आतुन दास यांचा नुकताच विवाह झाला असून धनुर्बाजीत त्यांच्याकडून देशाला पदकाची अपेक्षा आहे. अमेरिकन महिला सॉसरपटू मेगन रेपिनोई आणि महिला बास्केटबॉलपटू सू बर्ड या दोघींची ओळख रिओ ऑलिम्पिक मध्ये झाली आणि आता या दोघी एंगेज्ड आहेत. अमेरिकेचीच महिला ट्रॅक फिल्ड खेळाडू तारा डेविस आणि पुरुष ट्रॅक फिल्ड पॅरालीम्पिक वूड हॉल हेही रिलेशन मध्ये आहेत.
ब्रिटनचे सायकलिस्ट लॉरा आणि जेसन केनी हे दोघे पतीपत्नी या महाकुंभात सामील झाले असून या जोडीने एकत्र आत्तापर्यंत १० सुवर्णपदके जिंकलेली आहेत. ब्रिटनच्याच मेगन जोन्स आणि सेलीया या रग्बी खेळाडू महिला रिलेशनशिप मध्ये आहेत. अमेरिकन ट्रॅक फिल्ड खेळाडू सँडी आणि बर्मुडाचा लाँग जंप खेळाडू टायरोथ स्मिथ यांनी २०१९ मध्ये विवाह केला आहे.
ऑस्ट्रेलिया महिला रग्बी टीम मधील खेळाडू शार्लोट कॅसलीक व लुईस हॉलंड यांचा विवाह गतवर्षी होणार होता पण करोना मुळे तो लांबणीवर पडला आहे. मेक्सिकोचे अनिय उर्तेज आणि अमेरिकेची अमानदा चीडेस्टन सॉफ्टबॉलपटू दोघेही एंगेज्ड आहेत पण सध्या मात्र एकमेकांविरुद्ध खेळत आहेत.