आरोग्यमंत्री बदलल्यानंतर राहुल गांधींचा सवाल; आता लसींची कमतरता भासणार नाही?

ट्विट करत राहुल गांधी सवाल विचारला आहे. याचा अर्थ यापुढे लसीची कमतरता भासणार नाही?, त्याचबरोबर राहुल गांधींनी ‘चेंज’ असा हॅशटॅग दिला आहे. दरम्यान भाजपचे प्रवक्ते गौरव भाटिया यांनी कॉंग्रेसचे माजी अध्यक्ष राहुल गांधी हे ‘बेजबाबदार’ आहेत आणि कोणत्याही कारणाशिवाय टीका करतात, असे म्हणत राहुल गांधींवर पलटवार केला.

देशातील अनेक भागात निर्बंधातून सूट दिल्यानंतर आता कोरोनाबाधितांच्या संख्येत पुन्हा मोठ्या प्रमाणात वाढ होताना दिसत आहे. त्यामुळे कोरोनाचा कहर अद्याप सुरुच आहे. गेल्या २४ तासांत देशभरात तब्बल ८१७ करोनाबाधितांचा मृत्यू झाला आहे. काही दिवसांपूर्वी ही आकडेवारी ५०० पेक्षा ही कमी होती. पण अचानक मृत्यूंमध्ये वाढ झाल्यामुळे चिंताजनक परिस्थिती निर्माण झाली आहे.

आरोग्य मंत्रालयाच्या आकडेवारीनुसार, गेल्या २४ तासांमध्ये ४५,८९२ नवीन कोरोनाबाधित आढळून आले आहेत आणि ८१७ रुग्णांना आपले प्राण गमवावे लागले आहेत. बुधवारी दिवसभरात ४४,२९१ रुग्णांनी कोरोनावर मात केली आहे.