केंद्रीय मंत्रिमंडळ विस्तारात उदयनराजेंना नाही स्थान! कार्यकर्त्यांमध्ये नाराजी

भाजपने मोठ्या प्रयत्नानंतर खासदार उदयनराजे भोसले यांना भाजपमध्ये सामिल करून साताऱ्यात आपली ताकत वाढवली. उदयनराजे राष्ट्रीय अध्यक्ष अमित शहांच्या उपस्थिती मध्ये भाजपवासी झाले. लोकसभेची पोट निवडणूक पुन्हा लागल्या नंतर साताऱ्यात पंतप्रधान नरेंद्र मोदी यांची सभा सुद्धा घेण्यात आली. पण उदयनराजे यांनी घेतलेल्या पक्ष बदलाच्या निर्णयाला सातारच्या जनतेने नाकारल्यामुळे उदायनराजेंचा मोठ्या मतांच्या फरकाने पराभव झाला. या पराभवानंतर देखील त्यांची समजूत काढण्यासाठी त्यांना राज्यसभेची खासदारकी देण्यात आली.

पुढे भविष्यात केंद्रीय मंत्रिमंडळात उदयनराजेंना घेतले जाईल, अशी आशा त्यांच्या राज्यभरातील कार्यकर्त्यांना होती आणि अशा चर्चा ही जोरदार रंगल्या होत्या. पण आज केंद्रीय मंत्रिमंडळाच्या यादीत उदयनराजे भोसले यांना कुठेही स्थान देण्यात आले नसल्याचे चित्र समोर आले आहे. त्यामुळे राज्यातील उदयनराजे भोसले यांच्या कार्यकर्त्यांमध्ये कमालीची नाराजी पसरली आहे.