पाटणा – देशभरात म्यूकरमायकोसिस (ब्लॅक फंगस) झालेले अनेक रुग्ण आढळत असतानाच आता या ब्लॅक फंगसनंतर व्हाइट फंगसचे रुग्ण देखील आढळू लागले आहेत. या व्हाइट फंगसचे रुग्ण बिहारमधील पाटण्यात आढळल्यामुळे भीतीचे वातावरण निर्माण झाले आहे. ब्लॅक फंगसपेक्षा जास्त धोकादायक असलेल्या या व्हाइट फंगसचे चार रुग्ण पाटणामध्ये आढळले आहेत. हा व्हाइट फंगस (कँडिडोसिस) फुफ्फुसातील संक्रमणाचे मुख्य कारण आहे. फुफ्फुसासोबतच त्वचा, नख, तोंडाच्या आतील भाग, पोट आणि आतडे, किडनी, गुप्तांग आणि मेंदुला संक्रमित करतो.
याबाबत माहिती देताना PMCHमधील मायक्रोबायोलॉजी विभागाचे प्रमुख डॉ. एसएन सिंह यांनी सांगितले की, आतापर्यंत असे चार रुग्ण आढळली आहेत, ज्यांच्यात कोरोनाची लक्षणे होती, पण त्यांना कोरोना झालेला नसून व्हाइट फंगस झाला होता. या रुग्णांच्या रॅपिड अँटीजन, रॅपिड अँटीबॉडी आणि आरटी-पीसीआर निगेटिव्ह आल्या होत्या. फक्त अँटी फंगल औषधांनी ठीक झाले.
फुफ्फुसात झालेले संक्रमण एचआरसीटीमध्ये व्हाइट फंगसमुळे कोरोनासारखेच दिसते. त्यामुळे कोरोना आणि व्हाइट फंगसमध्ये अंतर करणे अवघड आहे. व्हाइट फंगस झालेल्या रुग्णांच्या रॅपिड अँटीजन आणि आरटी-पीसीआर निगेटिव्ह येतात. एचआरसीटीमध्ये कोरोना सारखे लक्षण दिसल्यानंतर रॅपिड अँटीबॉडी टेस्ट आणि फंगससाठी बलगमचा कल्चर करणे गरजेचे आहे. ऑक्सिजनवर असलेल्या रुग्णांना या व्हाइट फंगसचा सर्वाधिक धोका आहे. अशा रुग्णांच्या फुफ्फुसांवर हे आक्रमण करू शकते.
ब्लॅक फंगससारखीच व्हाइट फंगसची कारणे आहेत. रुग्णाची प्रतिकारशक्ती कमी असणे, डायबिटीज, अँटीबायोटिकचे सेवन किंवा अनेक दिवसांपासून स्टेरॉईड घेत असलेल्या रुग्णांना व्हाइट फंगसचा धोका आहे. हे नवजात बाळांमध्ये डायपर कँडिडोसिसच्या रुपात होते. लहान बाळांमध्ये पांढरे डाग दिसतात. महिलांमध्ये हे ल्यूकोरियाचे मुख्य कारण आहे.
या फंगसपासून वाचण्यासाठी ऑक्सिजनवर किंवा व्हेंटीलेटरवर असलेल्या रुग्णांच्या आसपास स्वच्छता असावी. त्यांना वापरण्यात येणारी सर्व उपकरणे योग्यरित्या सॅनिटाइज करुन घ्यावीत. ऑक्सीजन सिलेंडर ह्यूमिडिफायरमध्ये स्ट्रेलाइज पाणी वापरावे. रुग्णाच्या शरीरात जाणारे ऑक्सिजन फंगसमुक्त असावे. अशा रुग्णांच्या बलगमच्या फंगस कल्चरची तपासणी वेळोवेळी व्हावी.