सर्वसाधारणपणे आपल्याकडे देवळाच्या आत जाताना चप्पला बाहेर काढण्याची परंपरा आहे. पण आज आम्ही तुम्हाला आपल्या देशातील एका अशा देवळाबद्दल सांगणार आहोत जेथे देवळातील देवीला चक्क चप्पल अर्पण केल्या जाता. पण हे असे का केले जाते यामागे देखील कारण हे जे वाचून तुम्हाला आश्चर्य वाटेल.
मध्यप्रदेशची राजधानी भोपाळमध्ये हे देऊळ आहे. हे दुर्गा देवीचे देऊळ कोलार परिसरातील एका छोट्या डोंगरावर आहे. जीजीबाई देऊळ म्हणूणही हे देऊळ प्रसिद्ध आहे. लोक या देवळात जेव्हा येतात देवापुढे तेव्हा काही मागतात आणि ते पूर्ण होण्यासाठी नवीन चप्पल चढवतात. येथे चप्पलसोबतच उन्हाळ्यात देवीला गॉगल, टोपी आणि घड्याळ सुद्धा अपर्ण केली जाते. गेल्या २० वर्षांपासून ही अनोखी परंपरा सुरू आहे.
देवीला या देवळात चप्पल चढवण्यामागे एक वेगळीच कथा आहे. येथे एका साधुने मूर्ती स्थापन करण्यासोबतच शिव-पार्वतींचे लग्न लावून दिले होते आणि स्वत: कन्यादान केले होते. या देवीची ते तेव्हापासून आपली मुलगी मानून पूजा करतात आणि सामान्यांप्रमाणे मुलीची प्रत्येक इच्छा पूर्ण करतात.
एका मुलीप्रमाणेच हे साधू देवी दुर्गाची पूजा करतात. ते सांगतात की, त्यांना अनेकदा असा भास होतो की, दुर्गा देवी दिलेल्या कपड्यांमुळे खूष नाहीत. ते तेव्हा दोन ते तीन तासातच देवीच्या मूर्तीचे कपडे बदलतात. हे साधू सांगतात की, या देवळात देवीसाठी भाविकांनी परदेशातूनही चप्पल पाठवल्या आहेत. कधी सिंगापूर तर कधी पॅरिसहूनही चप्पल येतात. या चप्पल देवीला चढवून लोकांमध्ये वाटून देण्यात येतात.