अदर पूनावाला धमकी प्रकरण; माझ्याकडे आणि पक्षाकडे आहे याची माहिती – आशिष शेलार

आताच्या काळातच पूनावाला यांना सुरक्षा का मागाविशी वाटली हा प्रश्न गंभीर आहे. जर स्थानिक, प्रादेशिक पक्षांकडे दिशादर्शन जात असतील तर हा गंभीर मुद्दा आहे. त्यांना सुरक्षा पुरवत केंद्र सरकारने आपले काम चोख केल्याचे आशिष शेलार यांनी म्हटले आहे. आज आम्हाला कोरोनाच्या संकटात राजकारण करायचे नाही. तर लोकांची सेवा करण्याचे धोरण भाजपने आखले असल्याचेही ते म्हणाले.

ज्यांच्यापर्यंत धागेदोरे या प्रकरणात जातील, त्या पक्षाला उघडे करण्याचे काम परिस्थिती निवळल्यानंतर भाजप करणार आहे. याची माहिती माझ्याकडे आणि पक्षाकडे आहे. त्यावर आज भाष्य करणार नाही. मात्र ज्यांचा हात आहे, त्यांनी खबरदार राहावं, आमच्याकडे माहिती येत असल्याचा इशारा यावेळी त्यांनी दिला.