नवी दिल्ली – नाशिकमधील झाकीर हुसैन मनपा रुग्णालयामध्ये ऑक्सिजनची गळती झाल्यामुळे २२ जणांचा मृत्यू झाल्याच्या घटनेसंदर्भात पंतप्रधान नरेंद्र मोदींनी दु:ख व्यक्त केले आहे. रुग्णालयाच्या आवारात आज दुपारच्या सुमारास टँकरमधून ऑक्सिजन गळती होण्याची धक्कादायक घटना घडली. एकीकडे राज्यात ऑक्सिजनचा तुटवडा असतानाच दुसरीकडे ऑक्सिजन गळतीमुळे २२ जणांना प्राण गमावावे लागल्याने हळहळ व्यक्त केली जात आहे.
देशाच्या पंतप्रधानांबरोबरच यासंदर्भात गृहमंत्री अमित शहा यांनीही दु:ख व्यक्त केलं आहे. शहा यांनी ट्विटरच्या माध्यमातून मृतांना श्रद्धांजली अर्पण केली आहे. केंद्रीय रस्ते वाहतूक मंत्री नितीन गडकरी आणि संरक्षण मंत्री राजनाथ सिंह यांनी देखील ट्विटरवरुन या घटनेसंदर्भात खेद व्यक्त केला आहे.
The tragedy at a hospital in Nashik because of oxygen tank leakage is heart-wrenching. Anguished by the loss of lives due to it. Condolences to the bereaved families in this sad hour.
— Narendra Modi (@narendramodi) April 21, 2021
नाशिकमध्ये ऑक्सिजन गळती झाल्याने घडलेली घटना हृदय पिळवटून टाकणारी असून लोकांना या दुर्घटनेत प्राण गमावावे लागल्यामुळे मला प्रचंड दु:ख झाले आहे. या दु:खाच्या प्रसंगी माझ्या सद्गभावना मरण पावलेल्यांच्या कुटुंबियांसोबत असल्याचे म्हणत पंतप्रधानांनी नाशिकमधील घटनेसंदर्भात आपल्या भावना व्यक्त केल्या आहेत.
नासिक के एक अस्पताल में ऑक्सिजन लीक होने से हुई दुर्घटना का समाचार सुन व्यथित हूँ। इस हादसे में जिन लोगों ने अपनों को खोया है उनकी इस अपूरणीय क्षति पर अपनी गहरी संवेदनाएं व्यक्त करता हूँ। बाकी सभी मरीजों की कुशलता के लिए ईश्वर से प्रार्थना करता हूँ।
— Amit Shah (@AmitShah) April 21, 2021
नाशिकच्या मनपा रुग्णालयामध्ये झालेल्या ऑक्सिजन गळतीची घटना ऐकून दु:ख झाले आहे. या दुर्घटनेमध्ये ज्यांनी आपल्या जवळच्या व्यक्तींना गमावले आहे त्यांच्या कधीही न भरुन येणाऱ्या नुकसानीसाठी मी सद्भावना व्यक्त करतो. इतर सर्व रुग्णांच्या आरोग्यासाठी मी देवाकडे प्रार्थना करतो, असे शहा यांनी आपल्या ट्विटमध्ये म्हटले आहे.
Anguished to hear about the loss of lives due to oxygen leakage from a tanker in Nashik. I express my deepest condolences to the families.
— Nitin Gadkari (@nitin_gadkari) April 21, 2021
नाशिकमध्ये टँकरमधून ऑक्सिजन गळती झाल्याने लोकांचा मृत्यू झाल्याचे ऐकून वाईट वाटले. माझ्या सद्भावना मृतांच्या कुटुंबियांसोबत असल्याचे ट्विटरवरुन गडकरींनी म्हटले आहे.
Devastating news from Nashik where precious lives have been lost due to leakage in Oxygen supply at a Hospital. I am deeply pained by the loss of lives due to this tragic incident. In this hour of grief, my thoughts are with the bereaved families.
— Rajnath Singh (@rajnathsingh) April 21, 2021
नाशिकमधील रुग्णालयात झालेल्या ऑक्सिजन गळतीमुळे काही लोकांना आपले प्राण गमावावे लागल्याचे ऐकून धक्का बसला आहे. या दुर्देवी घटनेत काहींना आपले प्राण गमावावे लागल्यामुळे मला फार दु:ख झाले आहे. या दु:खद प्रसंगी आमच्या सद्भावना मरण पावलेल्यांच्या कुटुंबियांसोबत असल्याचे राजनाथ सिंह यांनी म्हटले आहे.