एकीकडे कोरोनाची दुसरी लाट देशात थैमान घालत असताना लसीकरण हा एकमेव पर्याय ही लाट थोपवण्यासाठी भारतासमोर आहे. देशात कोरोना लसीकरण मोहिम सुरु आहे. देशातील बऱ्याच नागरिकांनी दुसरा डोस घेतला आहे. तर काही नागरिकांनी पहिला डोस घेतला आहे.
दरम्यान देशात असे बरेच नागरिक आहेत, जे अद्याप लस घेण्यास घाबरत आहेत. त्यांच्या मनात लसीबाबत अनेक शंका आहेत. अशा परिस्थितीत 45 वर्षांवरील लोकांना कोराना लसीकरणासाठी सरकार सर्वतोपरी प्रयत्न करत आहे. पंजाब सरकारने कोरोना लसीकरण मोहिमेसंदर्भात मोठा निर्णय घेतला आहे. पंजाबने अभिनेता सोनू सूदला कोरोना लसीकरण मोहिमेचा ब्रँड अॅम्बेसेडर बनवले आहे. ब्रँड अॅम्बेसेडर बनल्यानंतर मुख्यमंत्री अमरिंदर सिंग यांनी त्यांचे अभिनंदन केले.
Happy to share that actor & philanthropist @SonuSood will be the Brand Ambassador of our #Covid19 vaccination drive. I thank him for supporting our campaign to reach out to, and protect, every Punjabi, and appeal to all to get vaccinated at the earliest. pic.twitter.com/1083v6M0FP
— Capt.Amarinder Singh (@capt_amarinder) April 11, 2021
मुख्यमंत्री अमरिंदर सिंग यांनी ट्विटरच्या माध्यमातून अभिनंदन करताना म्हटले की, पंजाब सरकारने अभिनेता सोनू सूद यांची कोरोना लसीकरण मोहिमेसाठी ब्रँड अँम्बेसेडर म्हणून निवड केली आहे. याबद्दल मी त्यांचे अभिनंदन करतो. सोनू सूद ब्रँड अॅम्बेसेडर झाल्यामुळे कोरोना लसीकरणाबद्दल अधिक जागरुकता लोकांमध्ये निर्माण होईल. मी राज्यातील सर्व लोकांना आवाहन करतो की त्यांनी लसीकरण लवकरात लवकर करावे.