येत्या काही दिवसात होणार मुंबईच्या तापमानात वाढ

मुंबईच्या वातावरणात रविवारच्या तुलनेत सध्यातरी फारसा बदल झालेला नाही. अद्यापही रात्री थंड़ आणि दिवसा तापमानात वाढ झाल्याचे दिसून येत आहे. सांताक्रूज येथे मुंबईचे कमाल तापमान 35.6 अंश तर कुलाबा येथे कमाल तापमान 32.2 अंश सेल्सियस एवढे नोंदवण्यात आले आहे. दरम्यान मुंबईच्या आद्रतेतही घट झाली आहे. राज्यातील विविध परिसरातही कमाल तापमानात वाढ होण्याची शक्यता आहे. त्यामुळे येत्या काही दिवसात उकाडा वाढल्यास लोकांनी आरोग्याकडेही लक्ष देण्याची गरज आहे.