कोलकाताः पश्चिम बंगाल विधानसभेच्या निवडणुकांचे नुकतेच बिगुल वाजले असून सत्ताधारी पक्ष तृणमूल कॉंग्रेसच्या वतीने मुख्यमंत्री ममता बॅनर्जी यांनी राज्यात निवडणुकीची धुरा हाती घेतली आहे. तर पश्चिम बंगालच्या निवडणुकीत भाजपकडूनही अमित शहा यांच्यासारखे अनेक दिग्गज नेते उतरले आहेत. ममता बॅनर्जी या सातत्याने विरोधकांवर हल्ला चढवत असतात. सरकारच्या कामगिरीतही त्यापुढे आहेत. आपल्या साधेपणाने पुन्हा एकदा पश्चिम बंगालच्या मतदारांना आकर्षित करण्याचा प्रयत्न ममता बॅनर्जी करीत आहेत.
नेहमीच आपल्याला साध्या साडीत ममता बॅनर्जी पाहायला मिळतात. परंतु साधे राहणीमान असलेल्या ममतांची एकूण मालमत्ता किती तुम्हाला माहीत आहे का?, तसेच मुख्यमंत्री ममता बॅनर्जी आगामी निवडणुकीत लवकरच आपल्या मालमत्तेची ताजी माहिती निवडणूक आयोगाला देणार आहेत. ममता बॅनर्जी यांची संपत्ती गेल्या निवडणुकीत किती होती आणि त्यांनी आपल्या प्रतिज्ञापत्रात कोणती माहिती दिली होती, याची माहिती आज आम्ही तुम्हाला देत आहोत.
मागील निवडणुकीच्या प्रतिज्ञापत्रात ममता बॅनर्जी यांनी दिलेल्या माहितीनुसार त्यांच्याकडे 30 लाख 45 हजार 13 रुपयांची संपत्ती आहे. म्हणजेच पश्चिम बंगालच्या मुख्यमंत्र्यांकडे जवळपास 30 लाख रुपयांची संपत्ती आहे. यात त्यांनी जवळपास जंगम मालमत्तेचा तपशील दिला आहे.
ममता बॅनर्जी यांनी निवडणूक आयोगाला दिलेल्या प्रतिज्ञापत्रानुसार त्यांच्याकडे सुमारे 18 हजार रुपये रोख, बँक खात्यात सुमारे 27 लाख रुपये आहेत. त्याचबरोबर त्यांनी पोस्ट ऑफिस योजनेत सुमारे 18 हजार रुपयांची गुंतवणूक केली आहे. ममता बॅनर्जी यांनी एकाला सुमारे 5000 रुपयांचे कर्ज दिले असून, त्यांच्याकडे सुमारे 26 हजार रुपयांचे सोने आहे. त्याचबरोबर त्यांच्याकडे 2 लाख 15 रुपयांची मालमत्ता आहे. अशा परिस्थितीत ममता बॅनर्जी यांच्याकडे एकूण 30 लाख 45 हजार रुपयांची संपत्ती आहे. विशेष म्हणजे ममता बॅनर्जी यांच्याकडे केवळ जंगम मालमत्ता आहे म्हणजेच त्यांच्याकडे फक्त बँक, गुंतवणूक किंवा रोख पैसे आहेत. त्यांच्या नावावर जमीन, घर, कार नाही. त्यांनी आपल्या प्रतिज्ञापत्रातही जागेबद्दल माहिती दिलेली आहे. याशिवाय त्यांच्यावर कोणतेही बंधन नाही. म्हणजेच त्यांना कुठेही एक रुपया भरावा लागत नाही.