मोदींनी ख्रिश्चन परिचारिकेकडून लस घेतल्यावरुन प्रकाश आंबेडकरांची टीका

दररोज हिंदू निष्ठेचे ढोल पंतप्रधान नरेंद्र मोदी बडवतात पण हिंदू परिचारिकांवर विश्वास नाही, म्हणून ख्रिश्चन परिचारिकेकडून लस घेतली, काय वागणे आहे, असे प्रकाश आंबेडकर यांनी ट्विटमध्ये म्हटले आहे. पी. निवेदा असे मोदींना लस देणाऱ्या परिचारिकेचे नाव असुन, त्या मूळच्या पुद्दुचेरीच्या आहेत. तसेच, पी. निवेदा यांच्यासोबत असणाऱ्या दुसऱ्या परिचारिकेचे नाव रोसामा अनिल असुन त्या केरळच्या असल्याची माहिती समोर आली आहे.

तर, या फोटोत लस घेताना मोदी हसत असल्याचे दिसत आहे. हा फोटो व्हायरल झाला असून मोदींना लस देणाऱ्या दोन्ही परिचारिकांनी डीडी न्यूजला मोदींना दिलेल्या लसीसंदर्भातील माहिती दिली आहे.

Prime Minister Narendra Modi, day in an day out drums Hindu loyalty but does not believe in Hindu nurses, hence took the vaccine jab from Christian nurse, what a behaviour

— Prakash Ambedkar (@Prksh_Ambedkar) March 1, 2021

दरम्यान मी एम्समध्ये मागील तीन वर्षांपासून काम करत आहे. कोरोना लसीकरण केंद्रात सध्या मी कार्यरत आहेत. आज सकाळीच पंतप्रधान नरेंद्र मोदी लसीकरणासाठी येणार असल्याची माहिती आम्हाला मिळाली. पीएम सरांना लस देण्यासाठी मला बोलवण्यात आले, तेव्हा ते लस घेण्यासाठी पोहचल्याचं समजले, असे निवेदा यांनी सांगितले. तसेच पुढे बोलताना, मोदी सरांना भेटून खूप छान वाटले. आमच्याशी त्यांनी खूप छान गप्पा मारल्या. भारत बायोटेकची कोव्हॅक्सिन ही लस त्यांना देण्यात आली असून २८ दिवसांनंतर पुढील डोस देण्यात येणार असल्याचेही पी. निवेदा म्हणाल्या.

या परिचारिकांना मोदींनी काय विचारले असा प्रश्न विचारण्यात आला. त्यावर तुम्ही मुळच्या कुठून आहात वगैरे चौकशी पंतप्रधानांनी केली. तसेच कोरोनाची लस दिल्यानंतर मोदींनी पहिली प्रतिक्रिया देताना, लस कधी दिली ते सुद्धा कळले नाही, (लगा भी दिये, पता भी नही चला) असे म्हटल्याची माहिती पी. निवेदा यांनी दिली.