वाशी मार्केटला रवाना देवगड हापूस आंब्याची पहिली पेटी

पहिली देवगड हापूस आंबा पेटी वाशी मार्केटला रवाना करण्याचा मान यावर्षी शंकर नाणेरकर मिळवला असून काल आंब्याच्या पेट्या पाठवण्यात आल्या आहेत. ऑगस्ट, सप्टेंबर महिन्यात शंकर नाणेरकर यांच्या कुणकेश्वर गावातील हापूस कलमांना मोहोर आला होता.

कलमांना आलेला मोहोर टिकवून मोहोरावर कीटकनाशकाच्या फवारण्या करून मोहोर टिकवण्यात त्यांना यश आले. आंबा बागायतदार शंकर नाणेरकर यांनी टिकवलेल्या मोहोरामुळे देवगड हापूस आंब्याची पहिली पेटी मार्केट मध्ये पाठवता आली. यातून त्यांना चांगल्या दराची अपेक्षा आहे.