ग्लोबल टीचर पुरस्कार जाहीर झालेल्या रणजितसिंह डिसले यांचे राज्यपालांकडून अभिनंदन


मुंबई : राज्यपाल भगत सिंह कोश्यारी यांनी ग्लोबल टीचर पुरस्कार जाहीर झालेले सोलापूरच्या परितेवाडी शाळेतील शिक्षक रणजितसिंह डिसले यांचे अभिनंदन केले आहे.

सोलापूरच्या परितेवाडी शाळेतील विद्यार्थीप्रिय शिक्षक रणजितसिंह डिसले यांना लंडनस्थित वर्की फाऊंडेशनच्या विद्यमाने दिला जाणारा १- दशलक्ष डॉलर पुरस्कार रक्कम असलेला ग्लोबल टीचर पुरस्कार जाहीर झाल्याबद्दल डिसले यांचे मनःपूर्वक अभिनंदन करतो.

नाविन्यपूर्ण संकल्पना तसेच तंत्रज्ञानाची मदत घेऊन ग्रामीण भागातील विद्यार्थ्यांमध्ये शिक्षणाची गोडी निर्माण करण्याचे डिसले यांचे कार्य अनुकरणीय व कौतुकास्पद आहे, असे राज्यपालांनी आपल्या अभिनंदनपर संदेशात म्हटले आहे.

Loading RSS Feed