आता रेल्वेत भीक मागणे आणि सिगरेट ओढल्यास होणार नाही जेल?

न्यूज18 ने दिलेल्या वृत्तानुसार, कायद्यातील सेक्शन 167 मध्ये देखील दुरुस्ती करण्याची मागणी प्रस्तावात करण्यात आली आहे. ही दुरुस्ती मंजूर झाल्यास रेल्वे अथवा स्टेशनवर बीडी, सिगरेट ओढणाऱ्या जेलमध्ये न पाठवता, त्याच्याविरोधात दंडात्मक कारवाई केली जाईल. याशिवाय रेल्वे स्टेशनवर भीक मागणे देखील गुन्हा आहे. यात देखील बदल होण्याची शक्यता आहे.

सुत्रांनुसार, केंद्र सरकार अशा कायद्यांमध्ये बदल किंवा संपुष्टात आणण्याचा विचार करत आहे, ज्याचा उपयोग राहिलेला नाही. अशा कायद्यांची विविध मंत्रालयांकडून यादी मागवली जात आहे.