भारत आणि चीन सैनिकांमध्ये पुन्हा एकदा पुर्व लडाख भागात झडप झाल्याची माहिती समोर आली आहे. दोन्ही देशांमध्ये ही झडप पेंगोंग त्सो झीलच्या किनाऱ्यावर झाली. सरकारने माहिती देत सांगितले की, 29-30 ऑगस्टच्या रात्री भारतीय हद्दीत घुसखोरी करण्याच्या प्रयत्नात असलेल्या चिनी सैन्याला भारतीय सैनिकांनी जोरदार प्रत्युत्तर दिले आहे. पेनगोंग त्सो लेक 1962 च्या भारत-चीन युद्धात देखील कारण ठरले होते. या तलावामध्ये दोन्ही देशांच्या सैन्याद्वारे सतत पेट्रोलिंग केली जाते.
का महत्त्वपुर्ण आहे पेंगोंग लेक –
- पेंगोंग लेक लडाखमध्ये भारत-चीन सीमा क्षेत्रात आहे. हा लेक 4350 मीटर उंचीवर स्थित 134 किमी लांब आहे. पेंगोंग लेक लडाखपासून तिबेटपर्यंत पसरलेला आहे.
- या लेकचे 45 किमी क्षेत्र भारतात तर 90 किमी क्षेत्र चीनमध्ये येते. एलएसी या लेकच्या मध्यभागातून जाते.
- या लेकचे पाणी खारे असल्याने यात मासे किंवा इतर कोणतेही जीव नसतात. मात्र अनेक प्रवासी पक्षांसाठी हे महत्त्वपुर्ण प्रजनन स्थान आहे.
- 19व्या शतकाच्या मध्यात हा लेक जॉन्सन रेषेच्या दक्षिणेकडील टोकाला होता. जॉन्सन लाइन हा भारत आणि चीनला अक्साई चीन प्रदेशात सीमा निश्चित करण्याचा प्रारंभिक प्रयत्न होता.
- या भागात खर्नाक किल्ला आहे, जो लेकच्या उत्तर किनाऱ्यावर आहे. हा किल्ला आता चीनच्या नियंत्रणात असून, 1962 च्या युद्धात चीनी सैन्याने येथे कारवाई केली होती.
- पूर्वेकडे श्याक नदी (सिंधू नदीची उपनदी) या लेकमधून उगम पावते, परंतु नैसर्गिक धरणामुळे ती थांबली आहे.
- या लेकचा प्रवास करण्यासाठी इनर लाइन परमिटची आवश्यकता असते. कारण पेंगोंग लेक एलएसीवर आहे.
- भारतीय नागरिक वैयक्तिक परमिट घेऊ शकतात, इतरांकडे मान्यताप्राप्त मार्गदर्शकासह ग्रुप परमिट (कमीतकमी तीन व्यक्तींसह) असणे आवश्यक आहे.
- लेहमधील पर्यटन कार्यालय हे परवानगी देते. सुरक्षेच्या कारणास्तव भारत या लेकमध्ये होडीमधून जाण्यास परवानगी देत नाही.