एका क्लिकवर आयपीएलच्या 13 व्या हंगामाचे संपूर्ण वेळापत्रक

संयुक्त अरब अमिरातमध्ये यंदाची आयपीएल स्पर्धा 19 सप्टेंबरपासून खेळवण्यात येणार असून काही दिवसांपूर्वी यासंदर्भात घोषणा करण्यात आली. त्यानंतर बीसीसीआयने रविवारी गव्हर्निंग काऊंन्सिलची बैठक बोलावली होती. या बैठकीत आयपीएलच्या 13व्या सीझनसंदर्भात सर्व औपचारिक गोष्टी पूर्ण करण्यात आल्या. बीसीसीआयकडून देण्यात आलेल्या माहितीनुसार, 19 सप्टेंबर ते 10 नोव्हेंबर दरम्यान ही स्पर्धा पार पडणार आहे. यावर्षी पहिल्यांदाच आयपीएलचा अंतिम सामना वीकडेमध्ये खेळवण्यात येणार आहे.

इंडियन प्रीमियर लीगमधील 13वा सीझन 53 दिवस चालणार आहे. यादरम्यान 60 सामने खेळवण्यात येणार आहेत. संपूर्ण स्पर्धेच्या फॉरमॅटमध्ये कोणताही बदलाव करण्यात येणार नाही. 13व्या सीझनमध्ये 10 डबल हॅडर सामने खेळवले जाणार आहेत. सामन्याची सुरुवात भारतीय वेळेनुसार 7 वाजून 30 मिनिटांनी होणार आहे. तर डबल हॅडर सामन्यांच्या दिवशी सामना दुपारी 3 वाजून 30 मिनिटांनी सुरु करण्यात येणार आहे.

कोरोना व्हायरसचा धोका पाहता आयपीएल संघांना खेळाडूंचे रिप्लेसमेंटही मिळणार आहेत. बीसीसीआयने स्पष्ट केले आहे की, 20 ऑगस्टआधी कोणताही संघ दुबईमध्ये जाणार नाही. कारण काही संघ 12 ऑगस्ट रोजी दुबईमध्ये जाण्याची योजना आखत होते. पहिल्यांदाच आयपीएलचे आयोजन सप्टेंबर महिन्यात करण्यात येत आहे. टी-20 विश्वचषक स्पर्धा रद्द झाल्यानंतर बीसीसीआयने आयपीएलचे आयोजन करण्याचा निर्णय घेतला.