नेटफ्लिक्स घेऊन येत आहे स्वस्त आणि मस्त Mobile+ प्लॅन - Majha Paper

नेटफ्लिक्स घेऊन येत आहे स्वस्त आणि मस्त Mobile+ प्लॅन


कोरोनाच्या पार्श्वभूमीवर संपूर्ण देश लॉकडाऊन असल्यामुळे आपल्यापैकी बरेच जण घरातच अडकून पडलेले आहेत. त्यात टीव्हीवर असलेल्या मालिकांचे रिपीट टेलिकास्टमुळे बरेच जण कंटाळले आहेत. त्यामुळेच आपल्या काहीजणांनी ओटीटी प्लॅटफॉर्मचा आधार घेत घरबसल्या मनोरंजनचा आधार घेत आहे. या दरम्यान नेटफ्लिक्स मनोरंजनाचा अड्डा बनला आहे. वेब सीरिजनंतर आता लवकरच नेटफ्लिक्सवर बॉलिवूडचे बिग बजेट चित्रपटही रिलीज होणार आहेत. अशात कंपनी सतत नवनवीन स्वस्त प्लॅन्सची घोषणा करत आहे.

आता मिळालेल्या नव्या माहितीनुसार सध्या भारतात 349 रुपयांच्या नवीन “Mobile+” प्लॅनची नेटफ्लिक्स टेस्टिंग घेत आहे. याद्वारे हाई-डेफिनेशन (HD) व्हिडिओचा अॅक्सेस केवळ मोबाइलवरच नव्हे तर PC, Mac आणि Chromebook वरही मिळेल. पण, एकावेळेस फक्त एकाच युजरला हा प्लॅन वापरता येणार आहे.

स्मार्टफोनवर कोणालाही नेटफ्लिक्सचा आनंद घेता यावा यासाठी आम्ही भारतात मोबाइल प्लॅनची सुरूवात केली आहे. जर युजर्सचा अॅड चॉइसला [मोबाइल+ प्लॅन] चांगला प्रतिसाद असेल तरच हा प्लॅन आम्ही जास्त काळासाठी रोलआउट करू, असे या प्लॅनबाबत माहिती देताना कंपनीकडून सांगण्यात आले आहे.

“Mobile+” नावाने हा प्लॅन असला तरी युजर्स नेटफ्लिक्स कॉम्प्युटरवरही बघू शकतील. एकाच व्यक्तीच्या वापरासाठी मोबाइल+ आहे. एकापेक्षा जास्त व्यक्तींना या प्लॅनवर नेटफ्लिक्सचा वापर करता येणार नाही. टेस्टिंगसाठी सध्या हा 349 रुपयांचा प्लॅन काही निवडक युजर्ससाठीच उपलब्ध करुन देण्यात आला आहे.