टीक-टॉकचे स्पष्टीकरण, चीनच्या नव्हेतर सिंगापूरमधील सर्व्हरवर आहे युझर्सचा डेटा - Majha Paper

टीक-टॉकचे स्पष्टीकरण, चीनच्या नव्हेतर सिंगापूरमधील सर्व्हरवर आहे युझर्सचा डेटा


भारत सरकारने अलीकडेच चीनच्या 59 मोबाइल अ‍ॅप्सवर बंदी घातली आहे. सरकारने हा निर्णय गुप्तचर यंत्रणांच्या सूचनांनंतर घेतला आहे. काही दिवसांपूर्वी गुप्तचर यंत्रणांनी 52 चिनी अॅप्सची यादी सरकारला सादर केली, ज्यामध्ये डेटा चोरी आणि सुरक्षिततेचा धोका असल्याचे म्हटले होते. सरकारने बंदी घातलेल्या अ‍ॅप्समध्ये ‘व्हायरल अ‍ॅप टीक-टॉक’चा देखील समावेश आहे.

सरकारच्या या निर्णयावर टीक-टॉककडून असे सांगण्यात आले की, सरकारकडून या विषयावर चर्चा करण्याचे आमंत्रण आलेले आहे. त्याचबरोबर अलीकडेच टीक-टॉकचे नवे सीईओ बनलेले केविन मेयर यांनी भारत सरकारला एक पत्र लिहिले आहे, ज्यामध्ये त्यांनी म्हटले आहे की भारतीय वापरकर्त्यांचा डेटा सिंगापूरच्या सर्व्हर्सवर आहे आणि कंपनीने भारतात डेटा सेंटर तयार करण्याची योजना आखली आहे.

मेयर यांनी भारत सरकारला लिहिलेल्या पत्रात लिहिले की, मी पुष्टी करू शकतो की चिनी सरकारने भारतीय वापरकर्त्यांच्या डेटासाठी आम्हाला कोणतीही विनंती केली नाही. भविष्यात आम्हाला अशी कोणतीही विनंती मिळाल्यास आम्ही त्याचे पालन करणार नाही.

मेयर म्हणाले की कंपनी चिनी असूनही चीनमध्ये टीक-टॉक उपलब्ध नाही. केविन मेयर यांनी असेही म्हटले आहे की चीन सरकारने या कंपनीकडून कधीही डेटा मागितला नाही. आता, मेयर यांच्या गोष्टींचा विचार करता, चिनी असूनही, बाइटडन्स जागतिक बाजारपेठेतील ग्राहकांना पकडण्यासाठी चिनी बाजारपेठ टाळत आहे. याचा पुरावा असा आहे की टीक-टॉक चीनमध्ये उपलब्ध नाही.

Leave a Comment