जगभरात कोरोना व्हायरसने थैमान घातले असून, अद्याप या आजारावर ठोस औषध मिळालेले नाही. मात्र आता योगगुरू रामदेव बाबा यांची कंपनी पंतजलीने या महामारीवर मात करू शकणारे औषध तयार केले असल्याचा दावा केला आहे. रामदेव बाबा म्हणाले की, कोरोना व्हायरसवरील औषधाची जग वाट पाहते होते. आज आम्हाला गर्व आहे की कोरोनावरील पहिले आयुर्वेदिक औषध आम्ही तयार केले आहे. या आयुर्वेदिक औषधाचे नाव कोरोनिल आहे.
#आयुर्वेदविजय_कोरोनिल_श्वासारि#कोरोना की एविडेंस बेस्ड प्रथम #आयुर्वेदिक औषधि, #श्वासारि_वटी ,#कोरोनिल का संपूर्ण साइंटिफिक डॉक्यूमेंट के साथ #पतंजलि योगपीठ हरिद्वार से पूज्य @yogrishiramdev जी और पूज्य @Ach_Balkrishna जी का 12 बजे लॉन्चिंग व लाइव प्रेस वार्ता pic.twitter.com/BbEqQxbn0S
— Patanjali Dairy (@PatanjaliDairy) June 23, 2020
हे औषध लाँच करताना रामदेव म्हणाले की, आज एलोपॅथिक सिस्टम मेडिसन पुढे आहे. आम्ही कोरोनिल बनवले आहे. ज्याची 100 लोकांवर चाचणी केली. 3 दिवसांच्या आत 65 टक्के रुग्ण बरे झाले. तर 7 दिवसात 100 टक्के लोक लोक बरे झाले. आम्ही संपुर्ण रिसर्च करून हे औषध तयार केले आहे. औषधाचा 100 टक्के रिकव्हरी रेट असून, शून्य टक्के मृत्यूदर आहे.
त्यांनी सांगितले की, या औषधाच्या निर्मितीसाठी केवळ स्वदेशी वस्तूंची वापर केला आहे. गिलॉय, अश्वगंधा, तुळस, श्वासरी या गोष्टींचा वापर केला आहे. पुढील 7 दिवसात हे औषध पंतजली स्टोरमध्ये उपलब्ध होईल. याशिवाय अ‍ॅप देखील लाँच केले जाणार आहे, ज्याच्या मदतीने औषध घरी पोहचेल.
#कोरोना की एविडेंस बेस्ड प्रथम #आयुर्वेदिक औषधि, #श्वासारि_वटी ,#कोरोनिल का संपूर्ण साइंटिफिक डॉक्यूमेंट के साथ कल दोपहर 12 बजे #पतंजलि योगपीठ हरिद्वार से लॉन्च कर रहे है🙏🏻 pic.twitter.com/SQ5cXOzHVB
— Acharya Balkrishna (@Ach_Balkrishna) June 22, 2020
पतंजलीचा दावा आहे की हे संशोधन पतंजली रिसर्च इन्स्टिट्यूट (पीआरआय), हरिद्वार अँड नॅशनल इंस्टिट्यूट ऑफ मेडिकल सायन्स (एनआयएमएस), जयपूर यांनी संयुक्तपणे केले आहे. हे औषध दिव्य फार्मसी, हरिद्वार आणि पतंजली आयुर्वेद लिमिटेड, हरिद्वार यांनी तयार केले आहे.