मुंबई – मुख्यमंत्री उद्धव ठाकरे यांनी शिवसेनेच्या 54 व्या वर्धापन दिनानिमित्त शिवसैनिकांशी संवाद साधला. मुख्यमंत्रिपदाची उद्धव ठाकरे यांनी धुरा सांभाळल्यानंतर हा शिवसेनेचा पहिला वर्धापन दिन होता. उद्धव ठाकरेंनी यावेळी शिवसैनिकाला पंतप्रधानपदी बसवण्याचा आपला इरादा असल्याचे सांगितले.
पहिले पुढचा शिव सेनेचा मुंबईचा महापौर तरी बसवा..
पंतप्रधान तर लांबच राहिले..
जय महाराष्ट्र!!
— nitesh rane (@NiteshNRane) June 19, 2020
मी काय बोलतो..
शिवसैनिकाला पंतप्रधान बनवणार..
म्हणजे तुम्ही किंवा मुलगा ना?
उगाच काल पासुन सेनेच्या खासदारांनी जॅकेट शिवायला टाकली आहेत..
वेड्यांची जत्रा !!
— nitesh rane (@NiteshNRane) June 20, 2020
उद्धव ठाकरे यांनी यावेळी बोलताना शिवसैनिकाला भविष्यात पंतप्रधानही करणार, असा निर्धार व्यक्त केला. यावरून मुख्यमंत्री उद्धव ठाकरेंवर भाजप नेते नितेश राणे यांनी जोरदार टीकास्त्र सोडले आहे. या संदर्भात नितेश राणेंनी एक ट्विट केले आहे. पंतप्रधानपद तर लांबच राहिले. मुंबई महानगरपालिकेच्या आगामी निवडणुकीनंतर शिवसेनेने स्वत:चा महापौर तरी बसवून दाखवावा, असा टोला नितेश राणेंनी उद्धव ठाकरेंना लगावला आहे. दरम्यान, शिवसेनेकडून नितेश राणेंच्या टीकेला कशाप्रकारे प्रत्युत्तर दिले जाणार हे पाहणे औत्सुक्याचे ठरणार आहे.