एका 14 दिवसांच्या बाळांचे प्राण वाचवणाऱ्या मुंबई पोलीस दलातील कॉन्स्टेबलचे सोशल मीडियावर भरभरून कौतुक केले जात आहे. बाळाने नकळत सेफ्टी पिन गिळली होती. अशा स्थितीमध्ये कॉन्स्टेबल श्रीमंत कोळेकर देवदूत बनून मदतीला धावले. मुंबई पोलिसांनी ट्विटरवर दिलेल्या माहितीनुसार, कोळेकर यांनी स्वतःच्या गाडीने सेफ्टी पिन गळ्यात अडकलेल्या बाळाला हॉस्पिटलमध्ये पोहचवले. जेथे त्याच्यावर त्वरित उपचार करण्यात आले.
वडाळा येथे त्यांच्या १४ दिवसांच्या लहान बाळाच्या घशात सेफ्टी पिन अडकल्याने कासावीस झालेल्या पालकांना बघून वडाळा ट्रक टर्मिनल पोलीस स्टेशनचे कॉन्स्टेबल श्रीमंत कोळेकर यांनी त्वरित स्वतःच्या मोटर सायकलने त्यांना केईएम रुग्णालयात पोहचवले व इलाजासाठी मदत केली.#MumbaiFirst
— Mumbai Police (@MumbaiPolice) June 18, 2020
मुंबई पोलिसांनुसार, कोळेकर यांनी बाळाच्या पालकांना रस्त्यावर पाहिले. बाळाच्या घशात सेफ्टी पिन अडकल्याचे समजताच कोळेकर यांनी क्षणाचाही विचार न करता त्वरित पालकांना परेल येथील किंग एडवर्ड मेमोरियल हॉस्पिटल येथे पोहचवले. यासाठी त्यांनी स्वतःच्या गाडीने पालकांना हॉस्पिटलमध्ये पोहचवले. कोळेकर यांच्या मदतीने वेळेवर हॉस्पिटलमध्ये पोहचल्यानंतर डॉक्टरांनी बाळावर इलाज केला.
सदैव तत्पर मुंबई पोलीस.
सलाम मुंबई पोलीस.🙏🙏— 🇮🇳 भक्तो का बाप 🇮🇳 (@shaikh_sahnvaz) June 18, 2020
नावाप्रमाणे त्यांचे कार्य आहे, पोलिस प्रशासनाने त्यांना बढती देणे गरजेचे आहे सलाम त्या सर्व वर्दीतल्या हिरोला.
— ashishhh (@SafetyVolunteer) June 18, 2020
सोशल मीडियावर मुंबई पोलिसांचे हे ट्विट व्हायरल होत आहे. आतापर्यंत या ट्विटला 3 हजारांपेक्षा जास्त युजर्सनी लाईक केले आहे. तर युजर्सनी यासाठी कॉन्स्टेबल कोळेकर यांचे कौतुक केले.