सीमावादानंतरही नेपाळमधील पशुपतिनाथ मंदिरासाठी भारत देणार 2.33 कोटी रुपये

पशुपतिनाथ मंदिरात स्वच्छता केंद्राच्या बांधकामासाठी भारतीय दूतावास, नेपाळचे फेडरल अफेयर्स मंत्रालय, सामान्य प्रशासन आणि काठमांडू महानगर यांच्यात सामंजस्य करार करण्यात आला आहे. या मंदिराचा युनेस्कोच्या जागतिक वारसा स्थळात देखील समावेश आहे.

भारताने या योजनेसाठी 3.72 कोटी नेपाळी रुपये (जवळपास 2.33 कोटी रुपये) आर्थिक मदत देणार असल्याचे म्हटले आहे. पुढील 15 महिन्यात याची निर्मिती होईल. पशुपतिनाथ मंदिर हे नेपाळमधील सर्वात मोठे मंदिर आहे व हे बागमती नदीच्या दोन्ही बाजूला पसरले आहे. नेपाळ आणि भारतातील हजारो भाविक दररोज येतात.