बॉलिवूड अभिनेता सुशांत सिंह राजपूतच्या आत्महत्येने सर्वांनाच मोठा धक्का बसला आहे. सर्वच क्षेत्रातील व्यक्तीने त्याला सोशल मीडियाद्वारे श्रद्धांजली वाहिली. मात्र त्याची एक्स-गर्लफ्रेंड अंकिता लोखंडेने काहीही प्रतिक्रिया अथवा सोशल मीडियावर पोस्ट न केल्याने चर्चा सुरू झाली होती.
आज अखेर अंकिताला सुशांतच्या बांद्रा येथील घरी त्याच्या कुटुंबाची भेट घेतली. तिने आई व दिग्दर्शक संदीप सिंह यांच्यासोबत सुशांतच्या कुटुंबाची भेट घेऊन त्यांना आधार दिला.
अंकिता आणि सुशांत हे दीर्घकाळ सोबत होते. मात्र 2016 मध्ये त्यांनी वेगळे होण्याचा निर्णय घेतला होता. पवित्र रिश्ता कार्यक्रमातील अंकिताची सह-कलाकार प्रार्थना बेहरे हिने सांगितले की, सुशांतच्या निधनाच्या बातमीने अंकिताला मोठा धक्का बसला आहे.
अंकिताचे सुशांतच्या कुटुंबाला दिलेल्या भेटीचे फोटो सोशल मीडियावर व्हायरल होत आहेत.