जम्मू-काश्मिर पाकिस्तानाचा भाग असल्याचा दावा अनेकदा पाकिस्तानकडून केला जातो. मात्र आता पाकिस्तानच्या सरकार टिव्ही चॅनेल पीटीव्हीनेच काश्मिर हा भारताचा भाग असल्याचे मान्य केले आहे. सरकारी टिव्हीवर काश्मिर भारताचा भाग दाखवल्याने पाकिस्तानमध्ये खळबळ उडाली आहे. आता पीटीव्हीने यावर स्पष्टीकरण देत या संदर्भात दोषींवर कारवाई केली जाईल असे म्हटले आहे.
PTV management has taken strict notice on the human lapse resulting in the airing of incorrect image of Pakistan map. The MD PTV has said that the organization has zero tolerance for such negligence and has assured that strict action will be taken against the responsible.
— PTV News (@PTVNewsOfficial) June 7, 2020
पीटीव्हीने म्हटले की, पीटीव्ही व्यवस्थापनाने मानवी चुकीमुळे पाकिस्तानचा चुकीचा नकाशा दाखवल्या संदर्भात कठोर भूमिका घेतली आहे. पीटीव्हीचे एमडी म्हणाले की, त्यांची संस्था अशा प्रकारच्या गुन्ह्यांना माफ करण्यासारखे मानत नाही.
पाकिस्तानने कोरोना व्हायरससाठी बनवण्यात आलेल्या वेबसाईटवर पाकव्याप्त काश्मीरला भारताचा भाग दाखवले होते. सोशल मीडियावर या नकाशाचे स्क्रीनशॉट व्हायरल झाल्यानंतर पीटीव्हीला या चुकीसाठी सोशल मीडियावर ट्रोल केले जात आहे.