न्यूझीलंडच्या पंतप्रधान जसिंडा अर्डर्न यांचे देशात कोरोना व्हायरसवर नियत्रंण मिळविण्यासाठी अनेकांनी कौतूक केले आहे. कोरोनावर मात करत त्यांनी देशात उद्योग-धंदे देखील पुन्हा सुरू केले आहेत. आता जसिंडा यांनी कर्मचाऱ्यांसाठी 4 दिवसांचा कामाचा आठवडा करण्याविषयी सुचवले आहे. चार दिवसांचा कामाचा आठवडा केल्याने पर्यटनाला चालना मिळेल व महामारीमध्ये झालेल्या नुकसानीतून बाहेर पडण्यास मदत मिळेल, असे जसिंडा यांचे म्हणणे आहे.
Go @JacindaArdern and NZ! People who are refreshed, rejunvenated and happy are more productive and creative. They would also spend more on that extra day off and even start another small business, therefore good for the economy! #4dayworkweek #innovationchallenge #covid19 https://t.co/i8UaWTDIjI
— Anna Reeves (@AnnaKReeves) May 21, 2020
पंतप्रधान जसिंडा म्हणाल्या की, कोरोना व्हायरसनंतर न्यूझीलंड नक्कीच 4 दिवसांच्या आठवड्याचा विचार करेल. अर्थव्यवस्था सुरळीत करण्यासाठी ही चांगली योजना असेल व पर्यटनला देखील चालना मिळेल. त्या फेसबुक लाईव्हमध्ये बोलत होत्या.
त्यांनी स्पष्ट केले की, 4 दिवसांच्या कामाच्या आठवड्याचा निर्णय हा कर्मचारी आणि कंपनीचा असेल. या मॉडेलविषयी धाडस करावे लागेल व हीच पुनर्रचना करण्याची मोठी संधी आहे.