अमेरिकेचे राष्ट्रपती डोनाल्ड ट्रम्प यांनी पुन्हा एकदा कोरोना व्हायरसवरून चीन आणि जागतिक आरोग्य संघटनेवर (डब्ल्यूएचओ) निशाणा साधला आहे. डब्ल्यूएचओला यासाठी लाज वाटायला हवी, डब्ल्यूएचओ चीनच्या पीआर एजेंसी सारखे काम करत असल्याचे, ट्रम्प यांनी म्हटले आहे.
ट्रम्प प्रशासनाने कोरोना व्हायरसच्या प्रसारामध्ये डब्ल्यूएचओची काय भूमिका आहे, याचा शोध घेण्यास सुरूवात केली आहे. तसेच संस्थेचा निधी देखील काही काळासाठी थांबवला आहे.
Yes, I have. I think World Health Organisation should be ashamed of themselves because they are like the public relations agency for China: US President Trump on being asked if he has seen anything that suggests the Wuhan Institute of Virology in China was the origin of #COVID19 pic.twitter.com/8ZYJUVid84
— ANI (@ANI) April 30, 2020
पत्रकार परिषदेमध्ये ट्रम्प म्हणाले की, मला वाटते की डब्ल्यूएचओला लाज वाटायला हवी. कारण ते चीनची पीआर एजेंसी असल्यासारखे काम करत आहे.
यावेळी ट्रम्प यांनी आठवण करून दिली की, अमेरिका डब्ल्यूएचओला वर्षाला जवळपास 500 मिलियन डॉलर निधी देते. तर चीन 38 मिलियन डॉलर निधी देते. जगभरात हजारो लोक मरत असताना, डब्ल्यूएचओने कारणे सांगायला नको आहेत, असेही ट्रम्प म्हणाले.