नवी दिल्ली – पाकव्याप्त काश्मीरमधील दहशतवाद्यांचे तळ नष्ट करून भारतीय सैन्याने शुक्रवारी आपल्या शहिद झालेल्या सैनिकांचा बदला घेतला. लष्कराच्या बोफोर्स तोफांनी भारतात दहशतवादी पाठविण्याचा कट रचणाऱ्याला पाकिस्तानला एक प्रकारे इशाराच दिला आहे. ड्रोन एअरक्राफ्टद्वारे केलेल्या हल्ल्याचा व्हिडीओ प्रसिद्ध करून भारताने पाकिस्तानच्या कमांडर आणि सैन्याला एक स्पष्ट संदेश जारी केला आहे की आम्ही केवळ मारणार नाही तर पूर्ण जगाला दाखवू.
दहशवाद्यांचा खात्मा करुन जगाला दाखवणार, भारतीय लष्करचा पाकला इशारा
बालाकोट हवाई हल्ल्यानंतर पाकिस्तान घाबरला असून त्यांनी दहशतवाद्यांना भारतीय सीमेवर पाठविणे कमी केले. तथापि, आता ते पुन्हा समोर आले आहेत. उत्तर काश्मीरच्या केरन सेक्टरमध्ये नियंत्रण रेषा ओलांडून घुसखोरी करणार्या दहशतवादी गट आणि सुरक्षा दलांमध्ये नुकतीच भयंकर चकमक झाली. यात सैन्याच्या स्पेशल फोर्सेसचे 5 जवान शहीद झाले. या चकमकीत पाच दहशतवादीही ठार झाले आहेत. चकमक एवढी भयंकर होती की सैन्य दलातील जवान आणि दहशतवाद्यांसमवेत आमनेसामने युद्ध झाले.
पाकिस्तानच्या या भ्याड कृत्याचा बदला भारताने घेतला आहे. भारतीय सैन्याच्या तोफांनी पाकिस्तान-व्याप्त काश्मीरमध्ये असलेल्या दहशतवाद्याचे तळ नष्ट केले. या दहशतवादी लॉन्च पॅडमधून दहशतवाद्यांना भारतात पाठवण्यात आले होते आणि भारतीय सैन्य बऱ्याच दिवसांपासून याकडे डोळेझाक करत होते. 5 सैनिकांच्या बलिदानानंतर भारतीय सैन्याने 155 मिमी बोफोर्स तोफांच्या सहाय्याने दहशतवाद्यांचे तळ नष्ट केले.
सूत्रांकडून मिळालेल्या माहितीनुसार, लष्कराने उत्तरादाखल केलेल्या कारवाईदरम्यान पाकिस्तानी सैन्याच्या तोफांना आणि तळानांही लक्ष्य केले. या पाकिस्तानी तोफांनी केवळ गोळीबार करून युद्धबंदीचे उल्लंघनच नव्हेतर दहशतवाद्यांना भारतीय सीमेवर पाठविण्यात मदत केली. दहशतवाद्यांच्या तळावरील तोफांना लक्ष्य करण्यात आल्याचे निवेदन लष्कराने जारी केले. या हल्ल्यात भारतीय
लष्कराचे कोणतेही नुकसान झाले नाही.
भारतीय सैन्य सहसा अशा हल्ल्यांचे व्हिडिओ प्रसिद्ध करत नाही, परंतु यावेळी सैन्याने दहशतवाद्यांचे तळ नष्ट करण्यासाठी ड्रोनद्वारे घेतलेला एक व्हिडिओ प्रसिद्ध केला आहे. अमेरिका आणि इस्त्राईलसारख्या देशांनी त्यांच्या हल्ल्यांचे व्हिडिओ प्रसिद्ध केले त्याप्रमाणेच हे आहे. यावेळी सैन्याने आपली रणनीती बदलली आहे. खरेतर बालाकोट हल्ल्यानंतर पाकिस्तानने म्हटले होते की केवळ काही झाडे नष्ट झाली आहेत. पाकिस्तानने म्हटले आहे की भारताच्या हवाई हल्ल्यात त्यांचे कोणतेही नुकसान झाले नाही.
तथापि, नंतर हल्ल्याच्या अचूकतेबद्दल पुष्कळ पुरावे देऊन भारताने पाकिस्तानाची बोलती बंद केली. यावेळी दहशतवाद्यांचे तळ नष्ट करण्यासाठी सैन्याने ड्रोनमधून घेतलेला एक व्हिडिओ प्रसिद्ध केला. दहशतवाद्यांना पाठवत राहिल्यास बालाकोटसारखे बरेच हल्ले सुरूच राहतील असा थेट इशारा सैन्याने पाकिस्तान आणि त्यांच्या सैन्याला दिला. बोफोर्स तोफांचा हल्लादेखील त्याचे एक उदाहरण आहे.