आधार कार्डशी लिंक केलेला रजिस्टर्ड मोबाईल नंबर अनेक कामासाठी महत्त्वाचा असतो. पुन्हा आधार प्रिंट करण्यासाठी हा मोबाईल नंबर आवश्यक असतो. मात्र आता विना रजिस्टर्ड मोबाईल नंबर पुन्हा प्रिंट करू शकता.
यूआयडीएआयने मागील वर्षी आधार संबंधी नियमांमध्ये बदल केले आहेत. यामुळे तुम्ही विना रजिस्टर्ड मोबाईल नंबरद्वारे देखील पुन्हा आधार प्रिंट काढू शकता. ही प्रक्रिया जाणून घेऊया.
विना रजिस्टर्ड मोबाईल नंबरद्वारे आधार प्रिंट करण्यासाठी सर्वात प्रथम यूआयडीएआयची अधिकृत वेबसाईट www.uidai.gov.in ला भेट द्या.
तुमच्या स्क्रीनवर माय आधार टॅब उघडेल. तेथे आधार रि प्रिंट पर्याय निवडा.
येथे तुम्हाला 12 अंकांचा आधार नंबर अथवा 16 अंकांचा व्हर्च्युअल आयडेंटिफिकेशन नंबर टाकावा लागेल.
तुम्हाला सिक्युरिटी कोड टाकावा लागेल. त्यानंतर खाली दिलेल्या बॉक्सवर टॅप करा. येथे मोबाईल नंबर रजिस्टर्ड नाही, असे लिहिलेले असेल. येथे तुम्हाला तुमचा दुसरा मोबाईल नंबर टाकावा लागेल.
तुम्ही टाकलेल्या क्रमांकावर ओटीपी येईल. ओटीपी टाकल्यावर व्हेरिफिकेशन प्रक्रिया पुर्ण होईल. प्रिव्ह्यू पाहिल्यानंतर आधार रिप्रिंटचे शुल्क भरावे लागेल. शुल्क भरल्यानंतर एक पावती जनरेट होईल. यानंतर तुमचे आधार कार्ड पीडीएफ फॉर्मेंटमध्ये डाउनलोड करून प्रिंट काढू शकता.