होळीच्या निमित्ताने तुम्ही जर घरी जाण्याचा विचार करत असाल, तर तुमच्यासाठी आनंदाची बातमी आहे. सणा निमित्त प्रवाशांना गर्दीचा सामना न करता व्यवस्थित घरी जाता यासाठी मध्ये रेल्वेने 26 अतिरिक्त विशेष रेल्वे चालविण्याचा निर्णय घेतला आहे. या रेल्वे मुंबई आणि पुण्यावरून उत्तर भारतासाठी चालतील.
होळीच्या निमित्ताने या रेल्वे 5 मार्च ते 15 मार्च दरम्यान चालणार असून, या रेल्वेसाठी बुकिंगची सुविधा 29 फेब्रुवारीपासून सुरू होईल.
26 HOLI SPECIAL TRAINS (WEEKLY)
LTT-Patna specials (4 Trips)
LTT- Varanasi specials (4 Trips)
LTT- MAU specials (4 Trips)
Pune-Danapur specials (4 Trips)
Pune-Ballarshah specials (10 Trips)
Bookings for above Special Trains on special charges will open from 29.2.2020 pic.twitter.com/bMti7yr7Sp— Central Railway (@Central_Railway) February 26, 2020
मध्य रेल्वेने आपल्या अधिकृत ट्विट हँडलवरून या सर्व रेल्वेच्या वेळापत्रकाबाबत माहिती दिली आहे.
मध्य रेल्वेने सांगितले की, चार साप्ताहिक विशेष रेल्वे लोकमान्य टिळक टर्मिनस-पाटणा, एलटीटी-वाराणसी, एलटीटी-मऊ आणि पुणे-दानापूर या मार्गावर चालतील. 10 अतिरिक्त रेल्वे या पुणे आणि बालहारशाह या मार्गावर चालतील. या रेल्वेमध्ये एक सेकेंड एसी, 5 एसी थर्ड क्लास, 8 स्लीपर आणि 6 जनरल सेकेंड क्लास डब्बे लावलेले असतील.