वाराणसीमध्ये रिक्षा चालवणारे मंगल केवट आणि त्यांच्या कुटुंबातील लोक सध्या खूप खुष आहेत. याला दोन कारणे आहेत. एक म्हणजे नुकतेच त्यांच्या मुलीचा विवाह पार पडला आहे व दुसरे म्हणजे स्वतः पंतप्रधान नरेंद्र मोदींनी त्यांच्या मुलीला लग्नासाठी शुभेच्छा पाठवल्या आहेत. मोदींनी त्यांच्या मुलीला आशिर्वाद दिला व नवदांपत्याला शुभेच्छा दिल्या.
Varanasi: Mangal Kewat,a ricksaw puller was sent a congratulatory letter by PM Modi on his daughter's wedding.He says,"we invited PM to my daughter's wedding&on Feb 8 we received a letter from him. PM is coming here on Feb 16,we want to meet him&share our problems with him"(15.2) pic.twitter.com/rh7qezXnht
— ANI UP (@ANINewsUP) February 15, 2020
मंगल केवट हे पंतप्रधान मोदींचे संसदीय क्षेत्र असलेल्या डोमरी या गावात राहतात. त्यांच्या मुलीचे लग्न 8 फेब्रुवारीला होते. त्यांनी आपल्या मुलीच्या लग्नाचे पहिली पत्रिका दिल्लीला येऊन पीएमओला दिली होती. यानंतर मोदींनी त्यांच्या मुलीला शुभेच्छा देणारे पत्र पाठवले होते.
8 फेब्रुवारीला पंतप्रधानांचे पत्र केवट यांना मिळाले. 16 फेब्रुवारीला मोदी वाराणसीच्या दौऱ्यावर आहेत, त्यानिमित्ताने केवट यांनी त्यांना भेटायची इच्छा असल्याचे देखील सांगितले.