न्यूयॉर्कमधील आपली नोकरी सोडून आणि एक एलिगेटर रेसलर सारखी नोकरी निवडणारी गॅबी कँपोन सध्या खूप चर्चेत आहे. याचे कारण आहे तिचे इंस्टाग्रामवरील फोटो. ज्यामध्ये ती मगरीला किस करत आणि त्यांच्या सोबत मस्ती करताना दिसत आहे. मजेशीर गोष्ट अशी आहे की या धोकादायक कामाच्या धोक्यांबद्दल माहिती असूनही गॅबी मगरींना पकडण्यासोबतच त्यांना भक्षकांपासून संरक्षण देण्याचे काम करते.
एवरग्लेड्स हॉलिडे पार्कमध्ये स्वयंसेवकांची नोकरी करत असलेली गॅबी दररोज शेकडो लोकांसमोर मगरींशी लढते. मगरींना पकडण्यासाठी आणि त्यांना चुंबन देण्यासारखे फोटो पोस्ट केल्यामुळे इंस्टाग्रामवर तिचे हजारो फॉलोअर्स बनले आहेत. गॅबीच्या मते, लोक मगरींना अतिशय घाबरतात. याचे कारण असे की ते त्यांना मारुन टाकतील, पण प्रत्यक्षात हे प्राणी कोणास अनवधानाने आक्रमण करीत नाहीत.
हा मुद्दा सिद्ध करण्यासाठी गॅबीने नोकरी सोडली आणि आता ती मगर आणि घोरपडी पकडण्याचे काम करीत आहे. बहुतेक वेळा ती मगरींना लोकांच्या घरात आणि सरोवरातून पकडण्यात व्यस्त असते. जेणेकरुन लोकांसोबतच या प्राण्यांना सुरक्षित ठेवता येईल.
गॅबी सांगते की तिने अनेकदा मगरींना लोकांच्या स्विमिंग पूल आणि गोल्फ कोर्समध्ये पकडले आहे. लोक या प्राण्यांना घाबरत असल्याने, आमची टीम त्यांना आमच्यासोबत घेऊन येतो. याव्यतिरिक्त, गॅबी असेही म्हणते की बऱ्याच लोकांनी या प्राण्यांना मारण्यासाठी त्यांना कैद केले आहे. खर तर, मगरीच्या त्वचेला काळ्या बाजारात चांगली किंमत मिळते. गॅबी म्हणते की या प्राण्यांमुळे धोका देखील पण त्यांच्या सुरक्षेचे काम ती पुढे ही सुरु ठेवणार आहे.