71व्या प्रजासत्ताक दिनाच्या निमित्ताने केंद्र सरकारकडून पद्म पुरस्कारची यादी जाहीर करण्यात आली. यंदा अनेक सामान्य व्यक्तींना त्यांच्या कार्यासाठी पद्मश्री पुरस्कार जाहीर करण्यात आला. यांच्या पैकीच एक नाव म्हणजे पर्यावरणवादी तुलसी गौडा. तुलसी गौडा यांना देशातील चौथा सर्वोच्च नागरी पुरस्कार पद्मश्रीने सन्मानित केले जाणार आहे.
तुलसी गौडा यांना त्यांच्या झाडे व वनस्पतींच्या अफाट ज्ञानामुळे ‘एनसायक्लोपीडिया ऑफ द फॉरेस्ट’ असे म्हटले जाते.
Known as the ‘Encyclopedia of Forest’, Tulasi Gowda from Karnataka is a Tribal woman known for possessing endless knowledge of plants and herbs. She will be honoured with the Padma Shri Award for Social Work – Environment. #PeoplesPadma #PadmaAwards2020 pic.twitter.com/CCbOvkw0AO
— MyGovIndia (@mygovindia) January 25, 2020
72 वर्षीय तुलसी गौडा मागील अनेक दशकांपासून जंगल संवर्धनाविषयी जागृकता पसरवण्यासाठी कार्य करत आहेत. गौडा या कर्नाटकच्या होनाल्ली गावातील आहेत. हलाक्की आदिवासी कुटुंबात वाढलेल्या तुलसी यांनी एकटीने राज्यात लाखो झाडे लावली आहेत.
त्यांनी कोणतेही औपचारिक शिक्षण घेतलेले नाही. मात्र त्यांना झाडे आणि औषधी वनस्पतीचे अफाट ज्ञान आहे. वनविभागाच्या वतीने आयोजित करण्यात आलेल्या वन्यकरणाच्या कार्यक्रमात देखील त्या सहभागी होतात व स्वतः लावलेले झाड वाढत नाही तोपर्यंत त्याची काळजी घेतात.