मणिपूरची 8 वर्षीय पर्यावरणवादी लिसीप्रिया कंगुजमला ‘भारताची ग्रेटा थनबर्ग’ म्हटले जाते. मात्र लिसीप्रियाने ट्विट करत आपल्याला हे उपनाव देण्यात येऊ नये असे म्हटले आहे. तिने याबाबत असंख्य ट्विट करत आपले म्हणणे मांडले.
तिने ट्विट करत सांगितले की, मला भारताची ग्रेटा थनबर्ग म्हणणे थांबवा. 2 तरूण पर्यावरणवादी एकच लक्ष्य साध्य करत आहेत. मात्र माझी स्वतःची एक वेगळी ओळख आणि कथा आहे.
Dear Media,
Stop calling me “Greta of India”. I am not doing my activism to looks like Greta Thunberg. Yes, she is one of our Inspiration & great influencer. We have common goal but I have my own identity, story. I began my movement since July 2018 even before Greta was started. pic.twitter.com/3UEqCVWYM8— Licypriya Kangujam (@LicypriyaK) January 27, 2020
मी ही चळवळ जुलै 2018 ला ग्रेटाने सुरुवात करण्याच्या आधी सुरू केली आहे, असेही तिने एक व्हिडीओ शेअर करत सांगितले. व्हिडीओमध्ये दिसत आहे की, ती संसदेच्या बाहेर पर्यावरण बदलाविषयी कायदा पास करावा, अशी मागणी करणारे बॅनर घेऊन बसली आहे.
I even dropped out my school since February 2019 (before Grade 1 final exam) when I was just 7 years old due to my protests every week in front of the Parliament House of India. I sacrificed so much of my life in this tender age is not to called me “Greta of India”.
— Licypriya Kangujam (@LicypriyaK) January 27, 2020
तिने ट्विटमध्ये सांगितले की, मी 7 वर्षांची असताना फेब्रुवारी 2019 पासून दर आठवड्याला संसदेसमोर निदर्शन करण्यासाठी शाळा देखील सोडली. मी माझ्या छोट्या वयात सर्व काही केवळ ‘ग्रेटा ऑफ इंडिया’ म्हणून ओळखावे यासाठी गमवले नाही, असेही ती म्हणाली.
17 वर्षीय स्विडीश पर्यावरणवादी ग्रेटा थनबर्गने देखील ऑगस्ट 2019 पासून स्विडीश संसदेबाहेर पर्यावरणासाठी निदर्शन करण्यासाठी दर शुक्रवारी शाळेत जाण्याचे बंद केले होते.
If you call me “Greta of India”, you are not covering my story. You are deleting a story.
— Licypriya Kangujam (@LicypriyaK) January 27, 2020
जर तुम्ही मला भारताची ग्रेटा म्हणत असाल तर तुम्ही माझी कथा समोर आणत नसून, ती संपुष्टात आणत आहात, असेही ती ट्विटमध्ये म्हणाली.