भरपूर वाचा, भरपूर जगा

अमेरिकेतील येल विद्यापीठाच्या शास्त्रज्ञांनी हे संशोधन केले आहे. त्यांच्या म्हणण्यानुसार, आठवड्यातील सात तासांपेक्षा अधिक वाचन करणाऱ्या व्यक्तींचा मृत्यूदर हा वाचन न करणाऱ्या व्यक्तींपेक्षा 11 टक्क्यांनी कमी असतो.

या संशोधनासाठी 3700 पेक्षा अधिक व्यक्तींची माहिती गोळा करण्यात आली. मात्र पुस्तके वाचण्याने जो परिणाम होतो, तेवढा परिणाम वृत्तपत्र किंवा नियतकालिकांच्या वाचनाने होत नाही, असेही या पाहणीत आढळले आहे. वाचन केल्यामुळे मेंदूचे विविध भाग सक्रिय राहतात आणि ओळखण्याच्या क्षमता कायम राहतात, त्यामुळे हा परिणाम दिसून येत असल्याचे वैद्यकीय तज्ज्ञांचे म्हणणे आहे.

वाचन न करणाऱ्यांपैकी 28 टक्के लोकांमध्ये नैराश्याची लक्षणे दिसून आल्याचेही या संशोधनात दिसले. तसेच, वाचन करणाऱ्यांपैकी 20 टक्के लोकांनी एकटेपणा जाणवत नसल्याचेही सांगितले.