आईच्या वाढदिवशी कार्तिक आर्यनने दिली लाखमोलाची मिनी कूपर कार


नुकतीच आपल्या आईला अभिनेता कार्तिक आर्यनने एक खास भेट दिली. कार्तिकची आई माला तिवारी यांचा गुरुवारी 16 जानेवारीला वाढदिवस होता. त्याने यानिमित्ताने आईला कन्वर्टिबल ‘मिनी कूपर’ कार भेट म्हणून दिली आहे. सुमारे 40 लाख रुपये या ग्रीन कारची किंमत आहे. तो गाडी घेतल्यानंतर आईसमवेत लाँग ड्राईव्हवरही गेला. या दरम्यान रस्त्यावर त्याची एक झलक बघण्यासाठी चाहत्यांची गर्दी झाली होती.

कार्तिकने आईला वाढदिवसाच्या शुभेच्छा देऊन एक जुना फोटोही शेअर केला होता, तो ज्यामध्ये त्याच्या आईच्या कडेवर दिसत आहे. त्याने या फोटोसह लिहिले, हॅपी बर्थडे माझी फेवरेट हेअरस्टाइलिस्ट, लव यू मम्मी. कार्तिकने या फोटोमध्ये दोन वेण्या घातलेल्या दिसत आहेत. कार्तिकचा नवा चित्रपट ‘लव आज कल’चा ट्रेलर आईच्या वाढदिवसाच्या दुस-या दिवशी रिलीज झाला आहे. ज्याचे खूप कौतुक केले जात आहे.

तो इम्तियाज अली दिग्दर्शित या चित्रपटात सारा अली खान सोबत दिसणार आहे. हा चित्रपट 2009 च्या चित्रपटाचा सिक्वेल असून तो 14 फेब्रुवारीला प्रदर्शित होणार आहे. कार्तिकचे या व्यतिरिक्त भूलभुलैया 2 आणि दोस्ताना 2 हे आगामी चित्रपट आहेत. यापैकी भूलभुलैयामध्ये तो कियारा अडवाणी आणि तब्बूसोबत दिसणार आहे. तर दोस्ताना 2 मध्ये जान्हवी कपूर दिसणार आहे.

Leave a Comment