छोट्या पडद्यावरील लोकप्रिय मालिका ‘तारक मेहता का उल्टा चश्मा’ ही मालिका आपल्यापैकी अनेकजण आवडीने पाहतात. पण तुम्हाला माहित आहे का? या मालिकेत २००९ साली जेठालालच्या दुकानात एका अभिनेत्रीने सेल्सगर्लची भूमिका साकारली होती. त्या अभिनेत्रीने ‘इस्टर्न आय’ या वृत्तपत्राने जाहिर केलेल्या आशियातील सर्वात सेक्सी महिलांची यादीत पाचवे स्थान मिळवले आहे.
अभिनेत्री सुरभि चंदनाने या मालिकेद्वारे अभिनयाच्या प्रवासाला सुरुवात केली. त्यानंतर सुरभिने छोट्या पडद्यावरील ‘इश्कबाज’ या मालिकेत अनिकाची भूमिका साकारली होती. तिच्या या भूमिकेला प्रेक्षकांची चांगली पसंती मिळाली असून तिला लोकप्रियता देखील मिळवून दिली.
सुरभिने दहा वर्षांपूर्वीच तिच्या अभिनयच्या करिअरला सुरुवात केली होती आणि आज ती टीव्ही विश्वातील एक लोकप्रिय अभिनेत्री म्हणून ओळखली जाते. सुरभिने तिच्या इन्स्टाग्राम अकाऊंटवर नुकताच १० वर्षांपूर्वीचा थ्रोबॅक फोटो शेअर केला आहे.