अमेरिकेच्या ज्युलिया वेबने 10 महिन्यांच्या मुलीला स्ट्रोलरमध्ये घेऊन हाफ मॅरोथॉन (21.0975 किमी) पुर्ण केली आहे. तीन मुलांची आई असलेल्या ज्युलियाने ओकलाहोमा येथे झालेल्या रूट 66 हाफ मॅरोथॉन 1 तास 21 मिनिट 23 सेंकदात पुर्ण करत सुवर्ण पदक मिळवले.
तिने स्ट्रोलरला धक्का देत सर्वात जलद मॅरोथॉन पुर्ण केली. दुसऱ्या क्रमांकावर राहिलेल्या खेळाडूने मॅरोथॉन पुर्ण करण्यासाठी ज्युलियापेक्षा 2 मिनिटे अधिक वेळ घेतली.
या विक्रमाचा व्हिडीओ आता गिनीज वर्ल्ड रेकॉर्ड्सला पाठवण्यात आला आहे. वर्ल्ड रेकॉर्डची समिती त्यांचा व्हिडीओ बघितल्यानंतर 12 आठवड्यात निर्णय घेईल. सध्याचा विक्रम 1 तास 27 मिनिटे 34 सेंकदांचा आहे. हा विक्रम लिंडेस जेम्सने 2016 मध्ये केला होता. ज्यूलिया 4 आणि 7 वर्षांच्या अशा आणखी दोन मुली आहेत. ज्यूलिया आता अमेरिकेच्या ऑल्मिपिक टीमच्या ट्रायलसाठी प्रयत्न करत आहे.