जगभरात असे लाखो बेघर आहेत, जे रात्र झाल्यावर फुटपाथवर झोपतात. रस्त्याच्या कडेला, पुलाखाली, रेल्वे स्टेशन हेच बेघर लोकांसाठी घर असते. वृत्तपत्राची पाने पसरून त्यावर झोपून जातात. याच बेघर लोकांसाठी ऑस्ट्रेलियातील चॅरेटी संघटना बेडडाऊनने एक सुंदर योजना सुरू केली आहे. संघटनेने या बेघर लोकांसाठी राहण्याची सोय म्हणून, ज्या जागा रात्री रिकाम्या असतात अशा ठिकाणी सोय करण्याची योजना बनवली आहे. यामध्ये पार्किंगच्या जागेचा देखील समावेश आहे.
या संघटनेने ऑस्ट्रेलियातील ब्रिस्बेन येथील एका मोठ्या पार्किंल लॉट्सच्या ऑपरेटरशी चर्चा केली आहे. ते दोन हप्त्यांच्या ट्रायलसाठी तयार झाले. यानंतर संस्थेचे स्वयंसेवकांनी पार्किंगचा कायापालटच करून टाकला. त्यांनी बेघर लोकांना पार्किंगमध्ये रात्री शांतपणे आराम करता येईल व त्यांना कोणत्याही अडचणीचा सामना करावा लागणार नाही, असे पार्किंगला बनवले.
बेडडाऊनचे संस्थापक Norman McGillivray हे एकदा रात्रीच्या वेळी रिकाम्या पार्किंगमधून परतत होते. त्यावेळी त्यांच्या डोक्यात ही कल्पना आली व त्यांनी बेघर लोकांना या ठिकाणी राहता येईल, या योजनेवर काम करण्यास सुरूवात केली.
या संघटनेचा उद्देश बेघर लोकांना सुरक्षित व आरामदायक जागा उपलब्ध करून देणे हे आहे. या बेघर लोकांना डॉक्टर, नर्स, न्हावी यांची देखील सुविधा मिळेल. संघटनेचे म्हणणे आहे की, अनेक बेघर लोक आजारी असतात. त्यामुळे त्यांना डॉक्टरांची गरज असते. एवढेच नाही तर ही संस्था त्यांना नवीन कपडे देखील देणार आहे.