ऑलराउंडर क्रिकेटपटू विजय शंकरला 2019 च्या एकदिवसीय विश्वचषकातून दुखापतीमुळे बाहेर जावे लागले होते. त्यानंतर अद्याप शंकरने संघात पुर्नरागमन केलेले नाही. सध्या विजय शंकर विजय हजारे ट्रॉफीमध्ये शानदार प्रदर्शन करत आहे. विजय शंकरला सध्या सोशल मीडियावर पोस्ट केलेल्या एका फोटोमुळे ट्रोल करण्यात येत आहे.
शंकरने सोशल मीडियावर स्वतःचा शर्टलेस फोटो शेअर केला. या फोटोमध्ये त्याचे सिक्स पॅक एब्स दिसत आहेत. शंकरने दोन फोन शेअर केले असून, एक फोटो जूना आहे व दुसऱ्या फोटोमध्ये त्यात झालेले बदल दिसत आहेत.
The sweat, the time, the devotion.
It pays off! #TransformationTuesday pic.twitter.com/oSyNWvMmVJ— Vijay Shankar (@vijayshankar260) October 15, 2019
आपला फोटो शेअर करत शंकरने लिहिले की, घाम, वेळ आणि तपस्या.. याचे फळ नक्की मिळते.
शंकरच्या या बदलाने भारताचे अन्य खेळाडू हार्दिक पांड्या आणि श्रेयस अय्यर यांना देखील चांगलेच इंप्रेस केले.
Bhai cricketing stats badhe ki nahi wo important hai
— Hritik Pawar (@hritikpawar123) October 16, 2019
Good tranfromation ji… But u lost u r place in Indian team…. Work hard and come back
— seethu (@seethu11) October 15, 2019
मात्र नेटकऱ्यांनी त्याला या शर्टलेस फोटोवरून ट्रोल करण्यास सुरूवात केली. अनेकांनी त्याला क्रिकेटकडे लक्ष्य देण्यास सांगितले तर काहींनी त्याला सिक्स पॅक्स एब्सपेक्षा क्रिकेटचे आकडे वाढले की नाही हे महत्त्वाचे आहे असे देखील म्हटले.
विजय शंकरने आतापर्यंत भारताकडून 12 एकदिवसीय आणि 9 टी20 सामने खेळले आहेत.