‘बिग बॉस 13’ या रिअॅलिटी शोमुळे उठलेले वादळ काही केल्या शांत होण्याचे नाव घेत नाही. या कार्यक्रमावर हिंदू संघटना आणि राष्ट्रीय बजरंग दल यांच्या व्यतिरिक्त आणखी बरीच संस्था सातत्याने बंदी घालण्याची मागणी करत आहेत. या मागणीमागील मुख्य कारण म्हणजे ‘बिग बॉस 13’ ची ‘बेड फ्रेंड फॉरेव्हर’ ही संकल्पना असून सोशल मीडियावर सुरू झालेला विरोध आता सलमानच्या घरापर्यंत पोहोचला आहे.
डीएनएच्या वृत्तानुसार, सलमानच्या घराबाहेर आंदोलन करणार्‍या करणी सेनेच्या सुमारे 20 कार्यकर्त्यांना अटक करण्यात आली आहे. यापूर्वी हे आंदोलन पाहता सलमान खानच्या घराची सुरक्षा वाढविण्यात आली होती. परंतु असे असूनही हे प्रकरण अटकेपर्यंत पोहोचले आहे.
त्याचबरोबर ‘बिग बॉस 13’विरोधात देशभरात बर्‍याच ठिकाणी आंदोलन होत आहे. त्यात अगदी सलमान खानचा पुतळा जाळण्यापर्यंत विषय झाला आहे. वास्तविक, शोमधील मुलींना ‘बेड फ्रेंड फॉरएव्हर कॉन्सेप्ट’मुळे मुलांबरोबर बेड शेअर करावा लागत आहे. या कार्यक्रमाचे प्रसारण या संकल्पनेमुळे थांबविण्याची मागणी होत आहे. अगदी अश्लीलता पसरवल्याचा आरोपही केला जात आहे. हे आरोप वाढत असल्याचे पाहून निर्मात्यांनी संकल्पना बदलली पण हे वादळ शमण्याचे नाव काही घेत नाही.
‘बिग बॉस’ बंद करण्याची मागणी सर्वप्रथम सोशल मीडियाच्या माध्यमातून करण्यात आली आणि ट्विटरवर हॅशटॅग ट्रेंड झाले. सोशल मीडियावर लोकांनी #Boycott_BigBoss आणि #UnsubscribeColoursTV टीव्ही सारखे हॅशटॅगचा ट्रेंड करण्यास सुरुवात झाली. या ट्विटच्या माध्यमातून लोक बिग बॉसवर अश्लीलता पसरवल्याचा आरोप करत आहेत.
याच प्रकरणात गाझियाबादच्या लोनी विधानसभा मतदारसंघातील भाजपचे आमदार नंद किशोर गुर्जर यांनी माहिती व प्रसारण मंत्रालयाला पत्र लिहिले. या पत्राद्वारे त्यांनी आवाहन केले की कलर्स वाहिनीवर प्रसारित होणारा ‘बिग बॉस 13’ हा रिअॅलिटी शो तातडीने प्रभावीपणे थांबवावा. यासंदर्भात माहिती मंत्रालयाने कठोर कारवाई केली आहे. वृत्तसंस्था एएनआयच्या ट्विटनुसार- जर सुत्रांना विश्वास ठेवला तर माहिती आणि प्रसारण मंत्रालय ‘बिग बॉस 13’ या रिअॅलिटी शोच्या विरोधात आलेल्या तक्रारीची दखल घेत आहे.
खरं तर, आपल्या तक्रारीत नंद किशोर गुर्जर यांनी पत्र लिहून बरेच आरोप केले होते. ‘बिग बॉस 13’ प्राइम टाइम स्लॉटमध्ये प्रसारित होत असल्याचा आरोप नंद किशोर गुर्जर यांनी केला आहे. या शोची स्थिती अशी आहे की सहकुटुंब हा कार्यक्रम बघणे अवघड आहे. तसेच देशातील पारंपारिक सामाजिक व सांस्कृतिक मूल्ये खराब होऊ शकतात आणि त्यानुसारच अशा कार्यक्रमाची आखणी करण्यात आली आहे.