प्योंगयांग – तीन वर्षानंतर उत्तर कोरियाने पुन्हा बॅलिस्टिक क्षेपणास्त्र चाचणी केली. गुरुवारी उत्तर कोरियाने क्षेपणास्त्राच्या चाचणीविषयी माहिती देणारे अधिकृत निवेदन प्रसिद्ध केले आहे, ज्यात अंडरवॉटर बॅलिस्टिक क्षेपणास्त्राची चाचणी घेतल्याची माहिती दिली आहे. उत्तर कोरियाकडून या क्षेपणास्त्र चाचणीला अमेरिकेवर दबाव आणण्याचे डावपेच म्हणून वर्णन केले जात आहे. अलीकडेच दोन्ही देशांमध्ये करार झाला.
नव्या प्रकारच्या पाणबुडी-प्रक्षेपित बॅलिस्टिक क्षेपणास्त्र (एसएलबीएम) ची ही यशस्वी चाचणी आहे. कोरियन सेंट्रल न्यूज एजन्सी (केसीएनए) च्या अहवालात म्हटले आहे की अकादमी ऑफ डिफेन्स सायन्सने पुकगुकसोंग -3 नावाच्या नवीन प्रकारच्या बॅलिस्टिक क्षेपणास्त्राची देशाच्या पूर्वेकडील वॉनसन बे येथील खाडीतमध्ये चाचणी केली आहे.
अहवालानुसार वैज्ञानिक आणि तांत्रिकदृष्ट्या नवीन प्रकारच्या बॅलिस्टिक क्षेपणास्त्र सामरिक व तांत्रिक निर्देशांकांची पुष्टी केली आहे आणि शेजारच्या देशांच्या सुरक्षेवर विपरित परिणाम झाला नाही.
उत्तर कोरियाचे हे एसएलबीएम क्षेपणास्त्र पाण्याखालून सुमारे 500 किमी अंतरावर मारा करण्याची क्षमता आहे. त्याचबरोबर जर अचूकतेने क्षेपणास्त्र सोडले तर हे अंतर 1500 किमीपर्यंत वाढवता येऊ शकते. परंतु, जेव्हा या क्षेपणास्त्राची चाचणी घेण्यात आली तेव्हा उत्तर कोरियाचा हुकुशहा किम जोंग-उन त्या ठिकाणी उपस्थित नव्हता. या अगोदर, तो अनेक वेळा चाचणी ठिकाणावर उपस्थित राहिला आहे. कोरियाच्या सत्ताधारी कामगार पक्षाच्या केंद्रीय समितीच्या वतीने या चाचणीत सामील झालेल्या संशोधन वैज्ञानिकांचे किम जोंग-उन यांनी अभिनंदन केले.
अधिकृत निवेदनात म्हटले आहे की प्रक्षेपणाचे यश अत्यंत महत्त्वाचे आहे कारण त्याने कोरियाला बाह्य दलांचा धोका रोखण्यासाठी आणि स्व-संरक्षणासाठी लष्करी सामर्थ्य वाढविण्याच्या आणखी एक टप्पा सुरू केला आहे.