रोहित शर्माने मोडला डॉन ब्रॅडमनचा विक्रम


टीम इंडियाचा सलामीवीर रोहित शर्मा दक्षिण आफ्रिकेविरुद्धच्या पहिल्या कसोटी सामन्यात 176 धावांवर बाद झाला. विशाखापट्टणममध्ये खेळल्या जाणार्‍या तीन सामन्यांच्या मालिकेच्या पहिल्या सामन्याच्या दुसर्‍या दिवशी केशव महाराजांचा बळी होण्यापूर्वी रोहितने बरेच विक्रम नोंदवले, परंतु सर्वात उल्लेखनीय ऑस्ट्रेलियाचा माजी फलंदाज डॉन ब्रॅडमनचा विक्रम…

कसोटी कारकीर्दीत प्रथमच सलामीला आलेल्या रोहित शर्माने 244 चेंडूंमध्ये 23 चौकार व सहा षटकारांच्या मदतीने 72.13 च्या स्ट्राईक रेटने 176 धावा केल्या. यासह, रोहित शर्माची कसोटी क्रिकेटमधील सरासरी 100 पार केली. दहा डाव खेळल्यानंतर रोहित शर्माने जगातील महान फलंदाज सर डॉन ब्रॅडमनच्या धावांच्या सरासरीला मागे टाकले आहे. डॉन ब्रॅडमनने आपल्या घराच्या मैदानावर खेळताना 98.22 च्या सरासरीने धावा केल्या होत्या. रोहितने त्यांना पछाडले आहे.

दुसर्‍या दिवसाची सुरुवात रोहितने दमदार चौकारांसह केली. मयंकशी त्यांची भागीदारी 219 पर्यंत होताच या दोघांनी सेहवाग आणि गंभीरचा 15 वर्षांचा विक्रम मोडला. आता रोहित आणि मयंकची सलामीची भागीदारी दक्षिण आफ्रिकेविरूद्ध सर्वाधिक धावांची भागीदारी बनली आहे.

विशाखापट्टणम कसोटी सामन्यात शतक झळकवत रोहित शर्मा एकदिवसीय आणि टी -२० या तीनही प्रकारात शतक ठोकणारा पहिला भारतीय सलामीवीर ठरला आहे. एवढेच नव्हे तर सलामीवीर म्हणून पहिल्या कसोटीत शतक ठोकणारा तो चौथा भारतीय खेळाडूही ठरला. त्याच्या अगोदर शिखर धवन, केएल राहुल, पृथ्वी शॉ यांनी ही कामगिरी केली आहे.

Leave a Comment