ऑस्ट्रेलिया आणि इंग्लंड यांच्यातील अॅशेस मालिका ही क्रिकेटची सर्वात मोठी आणि मालिका समजली जाते. या मालिकेच्या सामन्यादरम्यान स्टेडियम जवळजवळ हाऊसफुल्ल असते. मालिका पाहण्यासाठी चाहते हजारो किलोमीटर दूर ऑस्ट्रेलिया आणि इंग्लंडला जातात. ऑस्ट्रेलियामधील एका 12 वर्षांच्या मुलाने 4 वर्षांपासून कचरा उचलत आहे. कारण यावेळी त्याला इंग्लंडला जाऊन अॅशेस 2019 पहाण्याची इच्छा होती. आता तो ऑस्ट्रेलियाचा सर्वाधिक लोकप्रिय चाहता बनला आहे. इंग्लंडमध्ये असलेल्या आपल्या संघाला पाठिंबा देत आहे.
मॅक्स व्हाईट असे या मुलाचे नाव असून मॅक्सने 2015 मध्ये होमग्राउंडवर आपल्या संघाला विश्वचषक जिंकताना पाहिल्यानंतर, इंग्लंडमध्ये आपल्या आईबरोबर 2019 अ‍ॅशेसमध्ये जाण्याची योजना त्याने आखली. मॅक्सचे वडील डॅमियन वेट त्याला म्हणाले की, जर आपण 1500 ऑस्ट्रेलियन डॉलर कमावले तर मी तुला इंग्लंडला नेईन. यानंतर, मॅक्स आणि त्याची आई यांनी प्रत्येक शनिवार व रविवारच्या शेजार्‍यांच्या घरासमोरून कचरा उचलण्यास सुरवात केली. यासाठी लोक दोघांना 1 ऑस्ट्रेलियन डॉलर देत असत.
त्यानंतर मॅक्सने आपल्या सर्व शेजार्‍यांना एक पत्र लिहून त्यांचे कचरा व्यवस्थापन समजावून सांगितले. यानंतर, प्रत्येकजण त्याला अधिक पैसे देऊ लागला. हे सलग चार वर्षे तो करत राहिला. या दरम्यान, आजारी पडल्यावर तो ब्रेकही घेत होता. त्याचा धाकटा भाऊ मॅक्सऐवजी हे काम करत असे. पैसे जमा झाल्यानंतर त्याच्या वडिलांनी इंग्लंडचे तिकीट बुक केले. डॅमियन वॅटने क्रिकेट डॉट कॉम एयूला सांगितले की, जर मी त्याला वचन दिले तर त्याने मला पूर्ण करावेच लागेल. जर त्याने पैसे कमावले असतील तर मी त्याला निराश करणार नाही.
मॅक्स इंग्लंडमध्ये अॅशेस पाहण्यासाठी दाखल झाला असून तेथे त्याने स्टीव्ह स्मिथ आणि पॅट कमिन्स या दोन आवडत्या क्रिकेटपटूंना भेटला. मॅक्स म्हणाला, स्टीव्ह स्मिथ आणि पॅट कमिन्स हे माझे आवडते क्रिकेटपटू आहेत. त्यांनी सामन्यासाठी स्वत: ला कसे तयार केले याबद्दल मी त्यांच्याशी बोललो. खूप मजा आली. मँचेस्टरला जात असताना त्याला टीम बसमध्ये मुख्य प्रशिक्षक जस्टिन लँगरसह बसवले गेले. लंच ब्रेकमध्ये वेगवान गोलंदाज जेम्स पॅटिनसनने त्याला ऑस्ट्रेलियन खेळाडूंची स्वाक्षरी केलेली जर्सी भेट म्हणून दिली.