मेलबर्न – ऑस्ट्रेलियातील एका तमिळ कुटुंबाला प्रत्यार्पणापासून वाचवण्यासाठी संपूर्ण देश एक झाला आहे. हे कुटुंब कोठडी केंद्रातून श्रीलंकेत पाठवले जात होते. गुरुवारी, एका फेडरल न्यायाधीशांनी कुटुंबाला घेऊन जाणारे विमान तात्पुरते थांबवले. सध्या हे कुटुंब डार्विनच्या क्रिश्चियन बेट येथे आहे.
या कुटुंबाला थांबवण्यासाठी ऑस्ट्रेलियामध्ये सध्या मोर्चे निघत आहेत. #latethemstay हा हॅशटॅग ट्रेंड करत त्यांच्यासाठी हे अभियान सुरु करण्यात आले आहे. रविवारी मेलबर्न, क्वीन्सलँड आणि सिडनीसह अनेक शहरांमध्ये कुटुंबाच्या समर्थनार्थ मोर्चे काढण्यात आले. हजारो लोक रस्त्यावर उतरले. विरोधी लेबर पक्षाचे नेते अँथनी अल्बानीज यांनी ऑस्ट्रेलियाचे पंतप्रधान स्कॉट मॉरिसन यांच्याशी या प्रकरणी बोलणे केले आहे.
नदेसलिंगम आणि त्यांची पत्नी प्रिया बोटीने 2012 आणि 2013 मध्ये श्रीलंकेतून ऑस्ट्रेलियामध्ये दाखल झाले. ऑस्ट्रेलियन कायद्यानुसार बोटीने येणार्‍या लोकांना निर्वासित मानले जात नाही. अशा लोकांना नजरकैदेत ठेवले जाते व परत पाठवले जाते. हे जोडपे क्वीन्सलँडमधील बिलोएला येथे राहत होते. कोपिका (4) आणि थरुनिका (2) या त्यांच्या दोन मुली ऑस्ट्रेलियामध्ये जन्मल्या आहेत.
सरकारच्या आदेशानुसार मार्चमध्ये त्यांना अचानक मेलबर्नमधील एका ताब्यात घेण्यात आले. यानंतर गेल्या आठवड्यात श्रीलंकेत जाण्याचे आदेश देण्यात आले. नॅशनल्स पक्षाचे खासदार बर्नबी म्हणाले की, जर देशभरातील लोकांना त्यांना एकत्र ठेवायचे असेल तर आपण लोकांचा आवाज ऐकला पाहिजे. ऑस्ट्रेलियन रग्बी युनियनचे माजी प्रशिक्षक आणि रेडिओ ब्रॉडकास्टर अॅलन जोन्स म्हणतात की कायमचे वास्तव्य करण्यासाठी परदेशातून येणे धोरण कडक ठेवणे महत्वाचे आहे, परंतु हे कुटुंब ज्या परिस्थितीत आले आहे त्याचा विचार केला पाहिजे.
ऑस्ट्रेलियातील तमिळ निर्वासित परिषदेचे प्रवक्ते आरन माइलवगानम यांच्या म्हणण्यानुसार, श्रीलंकेत या कुटुंबाचा जीव धोक्यात आहे. बिलोएला मधील लोक म्हणतात की हे जोडपे येथे शांततेत राहत आहे आणि त्यांच्या दोन्ही मुलांचा जन्म येथे झाला आहे. ते प्रत्येक सण आपल्याबरोबर साजरे करतात. या जोडप्याने कधीच कुणाला इजा पोहचवलेली नाही. परंतु आपला देश त्यांचे जीवन धोक्यात घालत आहे. यानंतर #latethemstay (त्यांना राहू द्या) अभियान सोशल मीडियावर सुरू झाले. त्यानंतर संपूर्ण देश त्यांच्या पाठीशी उभा आहे.