पाकिस्तानने रद्द केली समझौता एक्सप्रेस

याबाबत अटारी आंतरराष्ट्रीय रेल्वे स्टेशनचे अधीक्षक अरविंदकुमार गुप्ता यांनी दिलेल्या माहितीनुसार, समझौता एक्सप्रेस पाकिस्तानमधून भारतात येणे अपेक्षित होते. पण समझौता एक्सप्रेस सीमेवरून भारतीय रेल्वेने आपला ड्रायव्हर आणि कर्मचाऱ्यांना पाठवून घेऊन जावी, असा संदेश आला. रेल्वेसुरक्षेच्या कारणासाठी हा निर्णय पाकिस्तानने घेतला असे त्यांचे म्हणणे आहे. आता समझौता एक्सप्रेस आणण्यासाठी भारतीय रेल्वेचे ड्रायव्हर आणि ज्यांच्याकडे व्हिसा आहे अशा कर्मचाऱ्यांना पाठवले जाणार आहे.

पाकिस्तानने याआधी भारताशी संबंध तोडल्याचे जाहीर केले होते. त्याचबरोबर भारताला युद्धाची धमकीही दिली होती. पाकिस्तानने भारताच्या विमानांना आपल्या हवाई हद्दीत येण्याची परवानगीही नाकारली आहे. भारताशी व्यापारविषयक संबंध तोडल्याचे पाकिस्तानचे परराष्ट्र मंत्री शाह मेहम्मूद कुरेशी यांनी टीव्हीवरून जाहीर केले. भारतीय चित्रपट पाकिस्तानमध्ये दाखवण्यावरही इम्रान खान यांच्या सरकारने बंदी घातली आहे.