नवी दिल्ली – तब्बल पाच अब्ज डॉलर्सचा दंड सोशल मीडिया क्षेत्रातील अग्रणी कंपनी फेसबुकला ठोठवण्यात आला आहे. फेसबुकवर युझर्सच्या गोपनीयतेचा भंग केल्याचा आरोप फेडरल ट्रेड कमीशनने (एफटीसी) केला आहे.

जगातील 2 अब्ज लोक फेसबुकच्या व्यासपीठावर संवाद साधतात. फेसबुकवर युझर्सना खोटे बोलणे, त्यांच्या गोपनियतेचा भंग करणे असे अनेक आरोप फेडरल ट्रेड कमीशनने लावले आहेत. त्यामुळे फेसबुकला ५ अब्ज डॉलरचा दंड भरावा लागणार आहे. फेसबुकचा महसूल आणि नफा पाहता फेसबुकला हा दंड देणे फारसे अवघड जाणार नाही.

या विषयावर अमेरिकेतील फेडरल ट्रेड कमिशनमध्ये मतदान झाले असून हा दंड 3-2 मताधिक्‍याने ठोठावण्यात आला आहे. तंत्रज्ञान कंपनीला होणारा आतापर्यंतचा सर्वात मोठा दंड ठरणार आहे. या अगोदर 2012 मध्ये गुगल कंपनीला 22 दशलक्ष डॉलरचा दंड ठोठावण्यात आला होता.