चोरी करण्याची सवय एखाद्याला लागली असे होऊ शकते का? म्हणजे चोरी करण्यात एखाद्याला फारच मजा येत असेल. एका महिलेबाबत असेच काहीसे सांगता येईल. तुम्ही आयरलॅंडच्या जेनिफर आर्मस्ट्रॉंगचे किस्से वाचून हैराण नक्कीच व्हाल. कारण तब्बल ६४८ प्रकरणांमध्ये जेनिफरला कोर्टाने दोषी ठरवले आहे.
काही दिवसांपूर्वी जेनिफर तेव्हा चर्चेत आली जेव्हा दारूची बॉटल चोरताना तिला पकडण्यात आले. तिने ही चोरी १६ महिन्यांची शिक्षा पूर्ण करून आल्याच्या दोनच दिवसांनी केली. डल्बिन शहरात चोरीसोबतच अत्याचाराच्या काही तक्रारी ४४ वर्षीय महिला जेनिफर विरोधात आहेत. मारझोड करणे आणि सार्वजनिक ठिकाणी दारू पिण्याच्या आरोपातही तिला अटक करण्यात आली होती.
जेनिफरला गेल्यावेळी जेव्हा न्यायाधीशांसमोर सादर केले गेले ती तेव्हा म्हणाली होती की, सुधारण्याची मला एक संधी देण्यात यावी. तिच्या बोलण्यावर न्यायाधीशांनी सुद्धा विश्वास ठेवत केवळ ६ महिन्यांची शिक्षा तिला सुनावली होती. न्यायालयात जेनिफर आर्मस्ट्रॉंगच्या वकीलाने सांगितले की, फारच दु:खद असे माझ्या क्लाइंटचे जीवन राहिले आहे. गरिबी तिने अनुभवली आहे आणि ती ड्रग आहारी देखील गेली होती. तिला एकाचवेळी हिरोईन आणि कोकेनची लत लागली होती. पण स्वत:ला जेनिफरने बदलले आणि दोन्ही सवयी सोडल्या. ती सध्या बेघर आहे आणि जीवन बदलण्याचा प्रयत्न करत आहे.
६४८ गुन्ह्यांसाठी जेनिफरला शिक्षा झाली आहे. तिने नंतर ६१८ रूपयांची दारूची बॉटल चोरी करण्याचा प्रयत्न केला. तिला ज्यावेळी अटक केली गेली, ती त्यावेळी नशेत होती. पण न्यायाधीशांनी यावेळी तिच्यावर दया दाखवत तिला तुरूंगात न पाठवता समाजसेवा करण्याचा दंड ठोठावला. जेनिफरने आपल्या ४४ वर्षांच्या जीवनात २७ वर्ष तुरूंगात घालवले आहेत. तिला ज्या ६४८ गुन्ह्यांसाठी शिक्षा झाली होती, त्यात ८८ गुन्हे चोरीचे आहेत. तर २१६ सार्वजनिक ठिकाणी ड्रग्स घेण्याचे गुन्हे आहेत.