मुंबई : #anna_yetoy या हॅशटॅगखाली सध्या सोशल मीडियावर अनेक गंमतीदार मिम्स व्हायरल होत आहेत. पण याद्वारे हा कोणता नवीन अण्णा येणार आहे? या प्रश्नाचे उत्तर अद्याप मिळालेले नाही. पण या मिम्समुळे लोकांमध्ये कमालीची उत्सुकता निर्माण झाली आहे.
सध्या छोट्यापडद्यावरील रात्रीस खेळ चाले या मालिकेतील सर्वांच्या परिचयाचे अण्णा नाईक हे पात्र लोकांच्या पसंतीस उतरल्यानंतर आता कोणते नवे अण्णा पुन्हा आपल्याला पाहायला मिळणार आहेत, याची उत्सुकता सर्वांनाच लागून राहिली आहे. एखाद्या नव्या गोष्टीची उत्सुकता वाढवायची असेल तर मिम्स तयार करुन शेअर केले जातात. पण अशी जाहिरातबाजी करण्याचा आणि अण्णा परत येण्याचा काय संबंध? असाही प्रश्न अनेकांना पडला आहे.